SALMOS 130:2 - Dios Rimashcata Quillcashcami

² Jatun Dioslla, ñuca mañashcata chasquiyari. Ñuca mañashcata cambac ringrihuan uyaiyari.

SALMOS 130:2 Referans Kwoze

2 CRÓNICAS 6:40

Cunanca ñuca Dioslla, caipi canta mañashcataca cambac ñahuihuan ricunguiyari. Cambac ringrihuan uyanguiyari.

ISAÍAS 37:17

Mandac Dioslla, cambac ringrihuan uyaiyari. Mandac Dioslla, cambac ñahuita pascashpa ricuiyari. Senaquerib causac Diosta camishpa rimachun cachashcata uyaiyari.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

NEHEMÍAS 1:6

Cunanca, canta servic israelcunamanta canta servic ñuca cambac ñaupapi tutapish, punzhapish mañashcata cambac ringrihuan uyaiyari. Cambac ñahuihuanpish ricuiyari. Canta servic ñucanchic israelcuna juchata ruhuashpa, canta piñachishcatami huillani. Ari, ñucapish, ñuca taitapac huasi ucupurapish juchata ruhuashcanchicmi.

SALMOS 140:6

Ñucaca Mandac Diostaca: «¡Canca ñuca Diosmi cangui!» nircanimi. Mandac Dioslla, ñuca yallita mañacuctaca uyaiyari.

SALMOS 64:1

Dioslla, ñuca mañashcata uyaiyari. Ñucata piñaccuna ama manchachichun cuidaiyari.

SALMOS 28:2

Caparishpa ñuca mañashcatapish, cambaclla huasi ladoman huichailla maquicunata chutashpa mañashcatapish uyaiyari.

SALMOS 17:1

Mandac Dioslla, uyaiyari. Ñucaca cashcallatami mañani. Ñuca caparishpa mañashcata uyaiyari. Cai mañashcacunaca mana llullachu.

SALMOS 5:3

Tutamanta ñuca caparishpa mañashcata uyanguiyari. Tutamanta cambac ñaupapi mañashpami shuyacusha.