SALMOS 13:2 - Dios Rimashcata Quillcashcami

² ¿Maicamantac ñuca shungupi llaquiricushayari? ¿Ima horascamantac ñuca yuyaipica punzhanta chai yuyailla cashayari? ¿Maicamantac ñucata piñacca jatun tucushpa ñucata ricungayari?

SALMOS 13:2 Referans Kwoze

JEREMÍAS 8:18

Cai yalli llaquimi ñitimucun. Ñuca shungupish chiriyanmi.

JEREMÍAS 15:18

¿Ima nishpatac ñuca nanaica punzhanta tiyacunlla? ¿Ima nishpatac ñuca chugrica maita mana jambipac? ¿Canca chaquiclla yacu shinachu, ñucahuanca cagringui?» nircani.

LAMENTACIONES 1:5

Jerusalenpi causaccunaca Mandac Diosta mana cazurcachu. Chaimantami yallita llaquichirca. Paicunata piñaccunaca mandaccuna tucushca. Paita piñaccunaca cushillami causacun. Huahuacunatapish piñaccunami prezu apashca.

ECLESIASTÉS 5:17

Chaipac jahuapish paipac tucui causai punzhacunapimi llaquihuan, nanaihuan yallita imatapish ruhuashpa, pura tutapi shina micun.

PROVERBIOS 15:13

Cushilla shungu runaca ñahuipish cushillami. Ashtahuanpish shungu llaquilla cacpica, yuyaipish llaquillami.

JOB 10:15

Ñuca juchayuc cashpaca, ¡aij imachari tucusha! Cashcata ruhuac cashpapish, umallatapish mana alzai pudinichu. Cunanca llaquihuanpish, nanaihuanpish shaicushcami cani.

FILIPENSES 2:27

Paica huañunalaya, ancha ungushcatacmi carca. Ashtahuanpish Diosmi ñuca llaquita apacushca jahua ama ashtahuan llaquita apachun nishpa, paitapish ñucatapish llaquishpa, paitaca alliyachirca.

ROMANOS 9:2

Ñuca shungupica yallita llaquirishpami punzhanta nanaihuan cani.

SAN JUAN 16:6

Ashtahuanpish caicunaman chashna huillashcamantami yallita llaquiringuichic.

SAN MATEO 26:38

Chashna cashpami Jesusca: —Ñuca shungupica, huañuna nanaihuan shinami yallita llaquiricuni. Cancunaca mana sueñushpa, caipi ñuca shinallatac chaparacuichic— nirca.

LAMENTACIONES 1:9

Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

SALMOS 74:18

Mandac Dioslla, canta piñaccuna canta camishcataca amatac cungaringuichu. Imatapish mana entendic gentecunami canta camincuna.

SALMOS 74:10

Dioslla, ¿maicamantac ñucanchicta llaquichiccunaca pingaichicungalla? ¿Canta piñaccunaca huiñaitachu canta camishpa causagrincuna?

SALMOS 42:4

Achcacunata pushashpami Diospac huasimanca ric carcani. Fiestacunapipish achcacunahuanmi cushi tonohuan cantashpa chayac carcani. Tucui chaicunata yuyarishpami, tucui almahuan yallita llaquirini.

SALMOS 31:18

Cashcata ruhuac runataca jatun tucushpami, piñashpa maipish cachun camincuna. Chai llullaccunaca upayashca saquirichun.

SALMOS 17:9

Chashna ñucata piñashpa llaquichic millaicunamantapish, ñucata huañuchingapac muyucuccunamantapish pacaiyari.

SALMOS 10:18

Allpallamantac ruhuashca runa ama llaquichishpa catichunmi taita mama illac huahuacunatapish, llaquichishca causaccunatapish ayudashcangui.

SALMOS 9:6

Ñucata piñaccunaca huiñaitami chingarishca. Pueblocunatapish tucuitami urmachircangui. Chai pueblocunapica yuyaringapacllapish imata mana saquircanguichu.

SALMOS 8:2

Canta piñaccunata, cariyaccunataca, uchilla huahuacuna, chuchucuc huahuacuna cantashcahuanmi upallachingui.

SALMOS 7:2

Paicuna ñucata japishpaca león shinami pitinacunga. Chashna ruhuacpica pipish mana misangachu.

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

NEHEMÍAS 2:2

Chaimantami jatun mandacca: —¿Ima nishpatac canca llaquilla cangui? Canca mana ungushcachu cangui, ashtahuanpish cambac shungupimi llaquita charingui— nirca. Shina nicpimi, yallita manchaihuan

1 SAMUEL 24:19

Shuc runa paita piñacta paipac maquipi charicushpaca ¿Mana imata ruhuashpa richun cacharishpa cachanmanllachu? ¡Cunan punzha ñucata can mana huañuchishcamantaca Mandac Diosllatac canman allicunata cuchun!

1 SAMUEL 18:29

Davidtaca ashtahuan manchashpa, tucui paipac causaipi Davidtaca piñarca.

SAN LUCAS 22:53

Punzhantami Diosta mañana huasipi cancunahuanca carcani. Chashna cacpipish, mana japircanguichicchu. Cunanca ñucata japina horas chayamucpimi, amsapi mandacuc supai yuyaita cucpi, ñucataca japinguichic— nirca.

JEREMÍAS 45:3

“Canca: ‘¡Aij, ñucalla! Mandac Diosca ñuca llaquihuan cacpipish, ashtahuan llaquichinmi. Huacacushpalla shaicushcami cani, mana samarinichu’ nicunguimi” ninmi.

SALMOS 38:17

Ashtahuanpish ña huañunallami cani. Ñuca cuerpoca nanacunllami.

SALMOS 6:4

Mandac Dioslla, ñuca almata quishpichingapac cutimuiyari. Can cuyac cashcamanta ñucata quishpichiyari.

LAMENTACIONES 5:20

¿Imamantatac ñucanchictaca huiñaita cungaringui? ¿Imamantatac unaita shitashpa saquingui?