SALMOS 13:1 - Dios Rimashcata Quillcashcami

¹ Mandac Dioslla, ¿ima horascamantac cungarigringuiyari? ¿Huiñaitachu saquigringui? ¿Ñucamantaca maicamantac ñahuita pacagringuiyari?

SALMOS 13:1 Referans Kwoze

JOB 13:24

¿Ima nishpatac cambac ñahuita pacashpa canta piñac runata shina ricunguiyari?

SALMOS 89:46

Mandac Dioslla, ¿ima horascamantac caruyashpa ñahuita pacagringui? ¿Huiñaitachu ñucanchic-huanca nina japiric shina piñarigringui?

LAMENTACIONES 5:20

¿Imamantatac ñucanchictaca huiñaita cungaringui? ¿Imamantatac unaita shitashpa saquingui?

SALMOS 80:4

Tucuita Mandac Dioslla, ¿ima horascamantac can acllashcacuna mañashcataca piñarishpa mana uyagringuiyari?

SALMOS 6:3

Ñuca almapish yallita manchaihuanmi chucchucun. Mandac Dioslla, ¿ima horastac shamugringuiyari?

SALMOS 44:24

¿Ima nishpatac cambac ñahuita pacanguiyari? ¿Ima nishpatac huatashca shina llaquita causacucta ricushpapish ñucanchictaca cungaringuiyari?

SALMOS 35:17

Jatun Dioslla, ¿Maicamantac chashna ruhuacta ricucunguilla? Ñucataca huañunamanta quishpichiyari. Ñuca causaitaca leoncunapac shimimanta huacaichiyari.

SALMOS 10:12

¡Mandac Dioslla shayariyari, cambac maquita alzaiyari! Huacchacunataca ama cungarichu.

SALMOS 85:5

¿Ñucanchic-huanca huiñaitachu piñashca cagringui? ¿Ñucanchic huahua huahuacunahuanpish piñarishcachu cagringui?

SALMOS 74:1

Dioslla, ¿imamantatac ñucanchictaca huiñaita cungaringuiyari? ¿Ima nishpatac cambac michina pambacunapi cac ovejacunahuanca nina japiric shina piñaringuiyari?

ISAÍAS 59:2

Ashtahuanpish cancuna mana allita ruhuashcallatacmi Diosmanta caruyachishca. Cancunapac juchallatacmi cancuna mañashcata uyanata jarcashca. Chaimantami paipac ñahuita pacashca.

SALMOS 90:14

Tutamantapi ñucanchicta yallita llaquiyari. Punzhantami ñucanchicca cushicushpa cantashun.

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.