SALMOS 125:2 - Dios Rimashcata Quillcashcami

² Jerusalén puebloca, muyunditami urcucunata charin. Chashnallatacmi Mandac Diospish pai acllashcacunapac muyundita cuidacun.

SALMOS 125:2 Referans Kwoze

ZACARÍAS 2:5

Ñucaca Jerusalén muyundi nina rupacuc pirca shinami casha. Ñucapac sumaimana achic nicuctami Jerusalén chaupipi ricuchisha. Chaitaca Mandac Dios ñucami nini” ninmi ningui» nirca.

SALMOS 121:8

Can yaicucpipish, llucshicpipish Mandac Diosmi cuidanga. Cunanmanta huiñaicamanmi cuidanga.

ISAÍAS 4:5

Chai quipami Mandac Diosca punzhaca yana puyuta, tutaca rupacuc achicyachic ninata Sión urcupi tiyac tucui huasicunapac jahuapi churanga. Diosca paicunataca sumaimana achic nicuc-huan shinami tapanga.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

LAMENTACIONES 4:12

Cai pacha jatun mandaccunapish, cai pachapi causaccunapish Jerusalén pungucunata piñaccuna yaicunata mana yuyarcacunachu.

SALMOS 34:7

Mandac Diosta manchaccunataca paipac angelmi muyundita cuidashpa charicun.

2 REYES 6:17

Chaimanta Eliseo Diosta mañashpaca: «Mandac Dioslla, pai ricuchun paipac ñahuita pascaiyari» nishpa mañarca. Chashna mañacpimi, Mandac Diosca chai servicpac ñahuita pascarca. Chashna pascacpimi, paica Eliseopac muyundipi caballocunapi ric gentecuna nina japirishca carretacuna chai loma junda shayacucta ricurca.