SALMOS 122:6 - Dios Rimashcata Quillcashcami

⁶ Jerusalenpi cushi causai tiyachun mañashpaca: «Canta cuyaccunaca cushilla causachun.

SALMOS 122:6 Referans Kwoze

SALMOS 51:18

Can cuyashcamanta Sión urcupac allita ruhuaiyari. Jerusalén muyundi pircata cutin shayachiyari.

JEREMÍAS 29:7

Cancuna prezu tiyacuc llactapi cushi causai tiyachun munaichic. Chai llactapi cushi causai tiyacpica, cancunapish casillami causanguichic. Chaimanta cushi causai tiyachun ñucata mañaichic.

GÉNESIS 12:3

Canta alli niccunataca alli nishami, mana alli niccunataca mana alli nishachu. Canmantami tucui cai pachapi causaccunaca bendiciashca canga» nirca.

JEREMÍAS 51:50

Mandac Diosca: «¡Jatun macanacuipi mana huañushpa, saquirishcacunaca mana samarishpa, utca callpaichicyari! Carupi cashpapish Mandac Diosta yuyaringuichicyari. Jerusalentaca cancunapac yuyaipi charinguichic» ninmi.

NÚMEROS 24:9

León samarishpa siricuc shinami. Mama león sueñushpa siricucpica, ¿pitac ricchachingayari? ¡Paicunata bendiciaccunaca bendiciashca cachun! ¡Cutin paicunata maldiciaccunaca maldiciashca cachun!» nirca.

1 JUAN 3:14

Ñucanchicca huauquicunata cuyaccuna cashpami, huañuimanta causaiman pasashca cashcata yachanchic. Maijanpish mana cuyacca huañushca shinami causacun.

EFESIOS 4:3

Diospac Espíritu alli apanacushpa shuc shinalla causachun yuyaita cushcamantaca, chashna causana yuyailla caichic.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

2 TESALONICENSES 3:16

Sumac causaita cuc Apunchic Jesusllatac cancunapac tucui causaipipish, imapipish sumac causaita cuchun shinallatac tucui cancunahuan cashca cachun nishpami ninchic.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.

NEHEMÍAS 11:1

Israelcunata mandaccunaca Jerusalenpimi causarcacuna. Ashtahuanpish caishuc israelcunataca chungamanta shuc, Diospaclla Jerusalenpi causachunmi suerteta ruhuashpa acllarca. Caishuc iscuncunaca shuc pueblocunapimi causagrirca.

NEHEMÍAS 11:2

Quiquin munaihuan Jerusalenpi causangapac saquiriccunataca israelcunami bendiciarca.

ESTER 4:8

Shinallatac Judá gentecunata tucuchichun Susa pueblopi quillcashpa tucuiman cushca copiatapish Esterman cushpa huillachunmi curca. Shinallatac Ester, jatun mandacpacman rishpa paipac llacta gentecunata ama huañuchichun, parlachunmi mañarca.

ISAÍAS 62:7

¡Jerusalenta cutin shayachishpa, cai pachapi causaccunapac alli nishca ningacaman ama samaringuichicchu!

ISAÍAS 66:10

Jerusalenta cuyaccunaca paihuan yallita cushicuichicyari. Tucui paimanta yana churanata churarishpa llaquilla caccunaca yallita cushicuichicyari.