SALMOS 122:1 - Dios Rimashcata Quillcashcami

¹ Ñucaca: «Diospac huasiman jacuchic» niccunahuanmi cushicurcani.

SALMOS 122:1 Referans Kwoze

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

SALMOS 134:1

Riqui, Mandac Diostaca alli nichicyari. Tucui paita serviccunapish, paipac huasita tuta cuidaccunapish alli nichicyari.

SALMOS 120:1

Llaquihuan cashpa Mandac Diosta mañacpica, paica cutichircami.

SALMOS 128:1

Mandac Diosta manchashpa, pai munashca shina causaccunaca tucuimi cushicuncuna.

SALMOS 121:1

Urcucunata huichai ricushpaca: «¿Maimantatac ñucata ayudacca shamunga?» nini.

SALMOS 123:1

Jahua pachapi causac Dioslla, cantami huichai ricushpa mañani.

SALMOS 55:14

Canhuanmi pi mana yachashcatapish, sumacta parlanacuc carcanchic. Diospac huasipipish ishcai tucushpami sumacta cushilla puric carcanchic.

JEREMÍAS 31:6

Cuidaccuna Efraín urcupi: ‘¡Mandac Diospacman jacuchic! ¡Sión urcuman huichai rishunchic!’ nishpa, caparina punzhacuna chayamungami” nircani» ninmi.

SALMOS 133:1

¡Huauquicunapura, panicunapura cuyanacushpa causana mai sumac cashcataca ricuichicyari!

SALMOS 131:1

Mandac Dioslla, ñuca shungupica mana jatun tucushcanichu. Ñuca ñahuihuanpish pita mana shuctacyashpa ricushcanichu. Ima jatun charinacunata japina yuyaitapish mana charishcanichu. Ñucapac imapish alli canataca mana munashcanichu.

SALMOS 130:1

Mandac Dioslla, tucui shunguhuanmi caparishpa mañani.

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

SALMOS 125:1

Mandac Diospi shunguta churaccunaca Sión urcu shinami huiñaita maita mana cuyuchipac causancuna.

SALMOS 124:1

Mandac Dios mana ñucanchicmanta shayarishca cacpica, aij ñucanchiclla. Israelcuna cutin nichic:

SALMOS 119:111

Ima shina causanata can yachachishcaca ñucata cushichicmi. Chaimantami huiñaipac ñuca japina can.

SALMOS 129:1

Huambramanta pachami ñucataca yallita llaquichincuna Cunanca israelcuna:

SALMOS 126:1

Mandac Dios prezucunata Sionman cutichimucpica, muscushca shinami carca.

SALMOS 42:4

Achcacunata pushashpami Diospac huasimanca ric carcani. Fiestacunapipish achcacunahuanmi cushi tonohuan cantashpa chayac carcani. Tucui chaicunata yuyarishpami, tucui almahuan yallita llaquirini.

SALMOS 132:1

Mandac Dioslla, Davidtapish, pai llaquita apashcatapish yuyariyari.

SALMOS 26:8

Mandac Dioslla, cambac sumaimana causana huasitaca cuyanimi.

EZEQUIEL 46:10

Paicuna yaicucpica, mandacca paicunahuanmi yaicunga. Paicuna llucshicpica, paicunallahuantacmi llucshinga.