SALMOS 121:4 - Dios Rimashcata Quillcashcami

⁴ Riqui, israelcunata cuidacca huiñaita mana sueñunchu. Israelcunata huacaichicca riccharishcami can.

SALMOS 121:4 Referans Kwoze

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

ISAÍAS 27:3

Chai chagrataca Mandac Dios ñucami cuidashpa, yacutapish punzhanta churasha. Pipish ama yaicushpa dañachunmi punzhapish, tutapish cuidasha.

ECLESIASTÉS 8:16

Ñucaca tucui shunguhuanmi allita yachacushpa, cai pachapi causaccuna imata ruhuacucta ricushpa yachacurcani. Maijancunaca tutapish, punzhapish mana samarincunachu.

APOCALIPSIS 7:15

Chaimantami Diosta mañana huasipi, Dios mandashpa tiyarinapac ñaupapi tutapish, punzhapish paipacta ruhuancuna. Mandashpa tiyarinapi tiyacucmi paipac carpa huasipi paicunataca huacaichinga.

1 REYES 18:27

Ña chaupi punzha tucucpimi, Eliasca paicunataca: «¡Paica shuc diosmi, sinchita caparichiclla! Paica imatami yuyaricunga, mana cashpaca imatami ruhuacunga. Mana cashpaca maimanmi rishca canga, mana cashpaca sueñucungami. Ricchachinami can» nirca.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?