92 Can mandashcacuna ñucata mana cushichishca cacpica, ñucaca llaquipi huañuimanmi carcani.
Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.
Llaqui huacaicuna japicpipish, can mandashcacunahuanmi cushicurcani.
Ñucaca can mandashcacunahuanmi cushicuni. Chaimanta ñuca causashpa catingapac llaquiyari.
Ima shina causanata can yachachishcacunaca cushichinmi, shinallatac alli yuyaitapish cunmi.
¡Gentecuna causana cai pachapi Mandac Diospac cuyaita mana crishpaca, musparishpa huañuimanmi carcani!
Quillcashpa mandashcacunahuanmi cushicuni. Cambac rimashcacunataca manatac cungarishachu.
Can cusha nishcamantami llaquihuan cashpapish cushicuni. Chaillatacmi ñucamanca causaita cun.