SALMOS 119:73 - Dios Rimashcata Quillcashcami

⁷³ Cambac maquihuanmi ñucata ruhuarcangui. Can mandashcacunata allita yachacungapac ñucata entendichiyari.

SALMOS 119:73 Referans Kwoze

SALMOS 138:8

Mandac Dioslla, canca huiñaita llaquicmi cangui. Can Mandac Dios ñucaman imata ruhuasha nicushcataca pactachiyari. ¡Cambac maquihuan ruhuashcataca ama saquichuyari!

JOB 31:15

¿Manachu ñucata mamapac huicsapi callarichic Diosllatac paicunatapish ruhuarca? Diosllatacmi tucuita ruhuarca.

2 TIMOTEO 2:7

Cai ñuca nishcacunata alli yuyaricpica, Apunchic Jesucristollatacmi tucui imapish alli yuyaicunata cunga.

SALMOS 119:125

Ñucaca canta servicmi cani. Can mandashca shina causanata yachacungapac alli yuyaita cuiyari.

SALMOS 111:10

Yallita yachac cangapacca Mandac Diostaracmi manchana can. Tucui pai mandashcacunata ruhuashpa causaccunami alli yuyaita charin. Diosca huiñaita jatunyachishca cachun.

JOB 32:8

Runataca paipi tiyac espiritumi yachachin. Tucuita ruhuac Diospac samaimi alli yuyaita cun.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

SALMOS 119:34

Alli yuyaita cuiyari. Can mandashcacunata cazushami. Chaitaca tucui shunguhuanmi pactachisha.

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

SANTIAGO 3:18

Maijanpish sumac causaita causachun munaccunaca, allita tarpushpa tandac shinami, cashcata ruhuashpa causanata japingacuna.

SALMOS 119:169

Mandac Dioslla, ñuca caparishpa mañashcaca cambac ñaupaman chayashca cachun. Can rimashca shina alli yuyaicunata cuiyari.

2 CRÓNICAS 2:12

«¡Israelcunata Mandac Diosca allimari cangui nishca cachun! Paimi jahua pachatapish, cai pachatapish ruhuarca. Mandac Diospac huasitapish, mandashpa tiyana huasitapish shayachichunca, paillatacmi alli yachac, alli yuyaita charic, alli entendishpa imatapish allita ruhuac churita, jatun mandac Davidman cushca.

SALMOS 119:144

Ima shina causanata can yachachishcaca huiñaita cashcata yachachicmi. Chai shina causangapac alli yuyaita cuiyari.

1 CRÓNICAS 22:12

Can israelcunata mandacucpi, canta Mandac Dios mandashcata can pactachichun Diosllatac yuyaita cushpa, alli yachacta ruhuachun.

SALMOS 95:6

¡Paita jatunyachishpa, paipac ñaupapi cumuringapac shamuichic! Ñucanchicta ruhuac Mandac Diospac ñaupapi cungurishunchic.