SALMOS 119:6 - Dios Rimashcata Quillcashcami

⁶ Can mandashcacunata tucui pactachishpaca, mana pingaichishcachu casha.

SALMOS 119:6 Referans Kwoze

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

JOB 22:26

Tucuita ruhuac Dios-huanmi cushicungui. Cambac ñahuihuanmi Diosta huichailla ricungui.

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

SALMOS 119:80

Mana pingaichishca cangapacca can mandashcacunata tucui shunguhuan allita pactachicta ruhuaiyari.

SANTIAGO 2:10

Maijanpish tucui mandashcacunata pactachicushpa, shuc mandashcallata mana pactachishpaca, tucui mandashcata mana pactachishca shinallatacmi tucun.

SALMOS 119:128

Chaimantami tucui can mandashcacunataca huacaichircani. Llulla causaitaca piñanimi.

SALMOS 119:31

Mandac Dioslla, pactachichun can cushca shimicunapimi llutarishca shina causani. Amatac pingaipi saquinguichu.

SALMOS 119:116

Can nishca shina ñucata ayudacpica causashami. Canllatami shuyacuni. Ama pingaichinguichu.