SALMOS 119:43 - Dios Rimashcata Quillcashcami

⁴³ Ñucaca canllatami shuyani. Chaimanta ñuca shimi manapish cashcata rimachunca amatac saquinguichu.

SALMOS 119:43 Referans Kwoze

SALMOS 9:4

Canca cashcata ruhuacmi cangui. Cambac tiyanapi tiyarishpami ñucataca cashcata ruhuashpa taripangui.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

EFESIOS 1:13

Shinallatac cancunaca cashcata nic huillashcata, quishpirinamanta alli huillaita uyashpaca, Cristota cricpimi, pai cusha nishca Espirituta cushpa, paipacllata ruhuashca sellota churarca.

SALMOS 119:175

¡Ñuca almaca canta alli nishpa causachun! ¡Can mandashcacunallatac ñucataca ayudachun!

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

SALMOS 119:52

Mandac Dioslla, ñaupa huatacunapi taripashpa allita ruhuashcata yuyarishpami cushicurcani.

SALMOS 119:13

Can mandashpa rimashcataca ñuca shimihuanmi callarishpa huillarcani.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

SALMOS 50:16

Ashtahuanpish Diosca millaita ruhuactaca: «Canca ñuca mandashcacunataca ima ninata mana charinguichu. Ñucahuan ari nishcatapish, cambac shimihuanca mana rimanachu cangui.

SALMOS 43:1

Ñuca Dioslla, ñucata imamanta llaquichicucta ricushpa misaiyari. Canta mana manchac, llullac millai gentecunapac maquimanta quishpichiyari.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

SALMOS 119:74

Canta manchaccuna ñucata ricushpaca cushicungami. Cambac rimashcapimi shunguta churashpa shuyacurcani.

SALMOS 119:81

Can quishpichinata shuyashpami ñuca almaca huañucun. Cambac rimashcapi shunguta churashpami shuyacuni.

SALMOS 119:114

Canca ñuca miticuna, ñucata pacac escudomi cangui. Can nishca pactachunmi shuyacuni.

SALMOS 119:147

Manarac pacaricpi jatarishpami mañani. Can rimashcatami shuyacuni.