SALMOS 119:4 - Dios Rimashcata Quillcashcami

⁴ Dioslla, canmi tucui mandashcacunata pactachichun mandarcangui.

SALMOS 119:4 Referans Kwoze

1 JUAN 5:3

Maijanpish Diosta cuyacca pai mandashcatami pactachin. Pai mandashcacunaca pactachinallami can.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

JEREMÍAS 7:23

Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.

SAN JUAN 14:15

Ñucata cuyashpaca, ñuca mandashcacunata cazunguichic.

DEUTERONOMIO 12:32

Ñuca mandashcallata ruhuanguichic, ama yapachinguichicchu, ama anchuchinguichicchu.

JOSUÉ 1:7

Ñucata servic Moisés mandashcata tucui pactachingapacca, mana manchashpa, sinchi cai. Tucui causaipi ima ruhuashcacuna alli llucshichunca cai mandashcacunamantami lluqui ladomanpish, alli ladomanpish mana ladoyana cangui.

DEUTERONOMIO 30:16

Mandac Diosta cuyachunmi chashnaca churani. Cunan ñuca huillashca mandashcacunatapish, pactachinacunatapish, yachachishcacunatapish cazunguichic. Chashna ruhuashpaca, huahuacunatapish achcata charishpami causanguichic. Mandac Diosca cancuna japishca llactapica tucui imapipish bendiciangami.

DEUTERONOMIO 11:22

Mandac Diosta cuyashpa, ñuca yachachishca mandashcacunata pactachishpa, Mandac Diosllata catinguichic.

DEUTERONOMIO 6:17

Mandac Dios mandashcacunatapish, pactachinacunatapish, yuyarashpa allita cazunguichic.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 11:13

Cunan ñuca yachachishca cazushpa, Mandac Diosta tucui shunguhuan, tucui almahuan servishpa, paita cuyacpica,

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

ÉXODO 7:6

Chashnami Moisespish, Aaronpish Mandac Dios mandashca shina ruhuarca.

DEUTERONOMIO 6:3

Israelcunalla uyaichicyari. Lechepish, mishquipish yacu shina callpacuc llactapi tucui imata cancuna ruhuashca alli llucshichunca caicunata yuyarashpami, pactachina canguichic. Chashnami ñaupa cancunapac taitacunaman Mandac Dios nishca shina achca tucushpa causanguichic.

ESDRAS 7:21

Jatun mandac Artajerjes ñucami jatun yacu chimba ladopi ñuca tucui cullquita huacaichiccunataca jahua pachapi causac Dios mandashcata quillcac Esdras cura imata mañacpica, utca cunguichic.

EZEQUIEL 20:19

Ñucami Mandac Dios cani. Cancunaca, ñuca mandashcacunatapish, imata ruhuachun nishcacunatapish pactachishpa causaichic.