SALMOS 119:2 - Dios Rimashcata Quillcashcami

² Ima shina causanata yachachishcata pactachingapac tucui shunguhuan mashcaccunaca maimi cushicun.

SALMOS 119:2 Referans Kwoze

JEREMÍAS 29:13

Cancunaca ñucata tucui shunguhuan mashcashpaca taringuichicmi.

SALMOS 119:10

Tucui ñuca shunguhuanmi cantaca mashcarcani. Can mandashcacunamanta anchurichunca amatac saquinguichu.

DEUTERONOMIO 4:29

Shina cashpapish, chai llactacunapi cashpa, tucui shunguhuan, tucui yuyaihuan Mandac Diosta mañashpaca taringuichicmi.

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

SALMOS 25:10

Pai ari nishcata, pai mandashcacunata cazuccunamanca cuyashpa, llaquishpami ima allitapish ruhuan.

EZEQUIEL 36:27

Cancunaman ñuca Espirituta cucpimi, ñuca mandashcacunatapish, pactachinacunatapish pactachishpa causanguichic.

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

DEUTERONOMIO 6:17

Mandac Dios mandashcacunatapish, pactachinacunatapish, yuyarashpa allita cazunguichic.

2 CRÓNICAS 31:21

Diospac huasipi imapi servinata callaringapac yuyarishcataca mandashca shimipi nicushca shinallatacmi ruhuarca. Paipac Mandac Diosta manchashpa, tucui shunguhuan imatapish ruhuashcamantami tucuipi alli llucshirca.

1 REYES 2:3

Canta Mandac Dios imata ruhuachun nishcatapish pactachishpa, paipac ñanpi puringui. Moisés mandashcacunapi nishca shinallatac pai quillcachishcacunata, mandashcacunata, pai huillashcacunata, ima shina causanata pai yachachishcacunata alli ricushpa cazungui. Can chashna alli pactachicpica, imata can ruhuashpapish, imata ruhuai callaricpipish, allimi llucshinga.

1 JUAN 3:20

Quiquinllatac shungupi “mana allichu cani” yuyacucpipish, Diosca ñucanchic shungutapish yalli yachac cashcamantaca tucuitami yachan.

SALMOS 105:45

Chaica quillcashpa mandashcacunatapish, pai rimashcacunatapish pactachichunmi chashnaca curca. ¡Mandac Diosta alabaichicyari!

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

SALMOS 119:22

Ñucaca ima shina causachun can yachachishcacunatami cazurcani. Chaimanta pita mana valichishpa, yangapi churashpa rimana yuyaita ñucamanta anchuchiyari.

SALMOS 119:146

Cantami caparishpa mañani. Chaimanta quishpichiyari. Ima shina causanata can yachachishcata pactachishami.

1 CRÓNICAS 22:19

Chaimanta cancunaca cancunata Mandac Diosta tucui shunguhuan, tucui yuyaihuan mashcaichic. Mandac Dios ari nishca quillcata huacaichina Arcatapish Diospaclla chicanyachishca ima charishcacunatapish, apamungapac Mandac Diospac huasitaca shayachi callarichic» nirca.

SALMOS 119:17

Can rimashcacunata cazushpa causangapac canta servic ñucaman allita ruhuaiyari.

SALMOS 119:33

Mandac Dioslla, mandashcacunata cazushpa causanata yachachiyari. Tucui ñuca causaipimi pactachishpa causasha.

SALMOS 119:34

Alli yuyaita cuiyari. Can mandashcacunata cazushami. Chaitaca tucui shunguhuanmi pactachisha.

SALMOS 119:57

Mandac Dioslla, canllami ñucapac japinaca cangui. Can mandashcacunataca pactachishami nircanimi.

SALMOS 119:69

Jatun tucushca gentecunaca ñucata yangami juchanchircacuna. Shina ruhuacpipish, tucui shunguhuanmi can mandashcacunata cazusha.

SALMOS 119:88

Can llaquishca shinallatac causaita cuiyari. Can rimashpa yachachishcataca pactachishami.

SALMOS 119:101

Can rimashcata pactachingapacmi ñuca chaqui mana alli ñanta rigricucpipish jarcarcani.

SALMOS 119:115

Millai runacuna, ñucamanta anchurichic. Ñucaca, ñuca Dios mandashcacunatami pactachisha nini.