SALMOS 119:16 - Dios Rimashcata Quillcashcami

¹⁶ Quillcashpa mandashcacunahuanmi cushicuni. Cambac rimashcacunataca manatac cungarishachu.

SALMOS 119:16 Referans Kwoze

SALMOS 119:24

Ima shina causanata can yachachishcacunaca cushichinmi, shinallatac alli yuyaitapish cunmi.

SALMOS 119:47

Can mandashcacunataca cuyarcanimi. Chai mandashcacunahuanmi cushicuni.

ROMANOS 7:22

Ñuca shungupica Diospac mandashcacunahuanmi yallita cushicuni.

PROVERBIOS 3:1

Ñuca huahualla, ñuca yachachishcacunata amatac cungaringuichu. Ñuca mandashcacunataca cambac shungupi huacaichingui.

SALMOS 119:35

Can mandashcacunapi nishca shina pushaiyari. Ñucaca chaicunahuanmi cushicusha.

SALMOS 119:176

Ñucaca chingarishca oveja shinami purircani. Ñuca can mandashcacunata mana cungarishcamantaca, canta servic ñucata mashcaiyari.

SALMOS 119:141

Ñucaca imapac mana valichishca yangalla runa cashpapish, can mandashcacunataca mana cungarircanichu.

SALMOS 119:109

Ñuca causaica punzhantami chingarinalla. Shina cacpipish can mandashcacunataca mana cungarircanichu.

SALMOS 119:83

Cushnipi huarcushca cara shina cashpapish, quillcashpa mandashcataca mana cungarircanichu.

SALMOS 119:77

Ñucaca can mandashcacunahuanmi cushicuni. Chaimanta ñuca causashpa catingapac llaquiyari.

SALMOS 119:70

Paicunapac shunguca huira tapashca shinami rumi shungu tucurca. Ashtahuanpish ñucaca can mandashcacunahuanmi cushicuni.

SALMOS 1:2

Chaipac randica Mandac Dios mandashcata pactachishpami cushicun. Pai mandashcapimi tutapish, punzhapish yuyaricunlla.

SALMOS 119:14

Ima shina causanata can yachachishcata yachacushpaca tucui charishcacunamanta yallimi cushicurcani.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SALMOS 119:61

Canta mana manchaccuna tucllahuan urmachisha nishpa muyunacucpipish, can mandashcacunataca mana cungarircanichu.

SALMOS 119:143

Llaqui huacaicuna japicpipish, can mandashcacunahuanmi cushicurcani.

SALMOS 119:153

Ñuca huacacucta ricushpa quishpichiyari. Ñucaca can mandashcataca mana cungarishcanichu.

SALMOS 119:174

Mandac Dioslla, can quishpichichunmi shuyacuni. Can mandashcacunahuanmi cushicuni.

PROVERBIOS 21:15

Cashcata ruhuac allita ruhuashpaca cushicunmi. Ashtahuanpish mana allita ruhuaccunamanca tucuchic llaquimi ricurin.

JEREMÍAS 15:16

Tucuita Mandac Dioslla, can rimashcata uyashpaca tucui micuc shinami chasquircani. Can rimashcaca ñuca shunguta yallita cushichicmi carca. Ñucaca cambac shutipi cayashcami cani.