SALMOS 119:148 - Dios Rimashcata Quillcashcami

¹⁴⁸ Can mandashcacunata yuyaringapacmi, tutacunapish mana riccharina horaspi riccharircani.

SALMOS 119:148 Referans Kwoze

SALMOS 63:6

Ñuca camapi siricushpapish canta yuyarishami. Tuta riccharishca horaspimi cantaca yuyarini.

SAN LUCAS 6:12

Chai punzhacunapimi Jesusca Diosta mañangapac urcuman rirca. Chaipica tucui tutami Diosta mañarca.

LAMENTACIONES 2:19

Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

SALMOS 119:62

Can cashcata ruhuashpa taripashcamantami, canta pagui ningapac chaupi tuta jatarini.

SALMOS 119:15

Can mandashcacunatami allita yuyarishpa, can munashca shina causasha.