SALMOS 119:142 - Dios Rimashcata Quillcashcami

¹⁴² Canca huiñaita cashcata ruhuacmi cangui. Can mandashcacunaca cashcata nicmi.

SALMOS 119:142 Referans Kwoze

SAN JUAN 17:17

Paicunata cambaclla cachun cambac rimashca shimihuan millaimanta huacaichingui. Canca cashcata nicmi cangui.

SALMOS 19:9

Mandac Diosta manchanaca chuyami, shinallatac huiñaipacmi canga. Mandac Dios mandashcacunaca mana llullachu, cashcallata mandashcacunami.

SALMOS 119:151

Mandac Dioslla, canca ñuca cuchullapimi cangui. Can mandashcacunaca cashcata nic rimashcacunami.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

EFESIOS 4:21

Cancunaca Jesusmanta cashcata nic huillashcata uyashpami, pai munashca shina causanata yachacurcanguichic. Chaitaca allitami yachani.

SALMOS 119:144

Ima shina causanata can yachachishcaca huiñaita cashcata yachachicmi. Chai shina causangapac alli yuyaita cuiyari.

SALMOS 36:6

Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

SALMOS 119:160

Tucui can rimashcacunaca cashcata nicmi. Cashcata ruhuashpa taripanaca huiñaipacmi.