SALMOS 119:128 - Dios Rimashcata Quillcashcami

¹²⁸ Chaimantami tucui can mandashcacunataca huacaichircani. Llulla causaitaca piñanimi.

SALMOS 119:128 Referans Kwoze

SALMOS 119:104

Can mandashcamantami alli yuyaita japircani. Shina cashcamantami llulla causaitaca piñani.

ROMANOS 7:22

Ñuca shungupica Diospac mandashcacunahuanmi yallita cushicuni.

PROVERBIOS 30:5

Mandac Dios rimashca shimicunaca jucha illacmi. Diosca paipi shunguta churaccunapac jarcarina escudomi.

SALMOS 119:6

Can mandashcacunata tucui pactachishpaca, mana pingaichishcachu casha.

DEUTERONOMIO 4:8

¿Maijan jatun llactatac cashna cancunaman yachachishca pactachinacunata, cashcata yachachic mandashcacunataca charinga?

ROMANOS 7:16

Mana ruhuasha nicushcata ruhuashpami, mandashcacuna alli cashcata yachac chayani.

ROMANOS 7:14

Mandashcacunaca Diosmanta cashcatami yachanchic. Shina cashpapish, ñucaca aichayuc runallami cani. Chaimantami juchapi huatashca shina cani.

ROMANOS 7:12

Shinaca, mandashcacunaca Dios cushcami. Mandashcacunaca allimi, cashcata nicmi, Dios cachashcami.

SALMOS 119:118

Can mandashcacunata mana cazuccunataca millanayachinguimi. Paicunaca yangallatami yuyashpa causan.

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

SALMOS 18:22

Pai yachachishcacunataca yuyaipimi charini. Pai quillcashpa mandashcamantaca mana anchurishcanichu.

SALMOS 119:172

Tucui can mandashcacunaca cashcata ruhuacmi. Chaimantami ñuca calluca chai mandashcacunata cantanga.