SALMOS 119:110 - Dios Rimashcata Quillcashcami

¹¹⁰ Canta mana manchaccuna ima shinapish urmachisha nicucpipish, can mandashcacunataca mana cungarircanichu.

SALMOS 119:110 Referans Kwoze

SALMOS 141:9

Ñucata urmachingapac churashca linchicunamanta, millai gentecunapac tucllamanta cuidaiyari.

SALMOS 140:5

Chai jatun tucushca gentecunaca ñucata urmachingapacmi linchitapish, chacnarina huascacunatapish churashca. Ñuca ñan cuchupimi chacnarishpa urmanata churashca.

SALMOS 119:95

Canta mana manchaccuna ñucata tucuchingapac chaparacucpipish, can ima shina causanata yachachishcatami yuyarisha.

SALMOS 119:85

Can mandashcacunata mana cazuc, jatun tucushcacunaca ñuca urmachunmi jutcuta ruhuashcacuna.

SALMOS 119:10

Tucui ñuca shunguhuanmi cantaca mashcarcani. Can mandashcacunamanta anchurichunca amatac saquinguichu.

JEREMÍAS 18:22

Cungailla soldadocuna chayashpa paicunata llaquichicpi, huasipi yallita caparinacui uyarichun. Paicunaca ñuca urmachunmi jutcuta ruhuashca. Ñuca purinapica mitcarina tucllatami churashca.

DANIEL 6:10

Danielca chai mandashpa quillcashcapi jatun mandacpac shutita churashcata yachashpami paipac huasiman rishpa, Jerusalén ladoman ventanata pascashpa utcapi ima shina mañac cashca shinallatac cada punzha quimsa cutin paipac Diosta pagui nishpa mañarca.

SALMOS 119:87

Cai allpamanta ñucata ña chingachigricucpipish, can mandashcacunataca manatac saquishcanichu.

SALMOS 119:51

Jatun tucushcacunaca yallitami burlashpa asircacuna. Shina cacpipish can mandashcamantaca manatac caruyarcanichu.

SALMOS 119:21

Jatun tucushcacunataca llaquichircanguimi. ¡Can mandashcacunamanta anchuricca llaquichishca cachun!

SALMOS 38:13

Ashtahuanpish mana uyac shinami tucuni. Mana shimi llucshic shinami upalla saquirini.

SALMOS 57:7

Dioslla, ñuca shunguca canta alabana yuyaillami. Shungupica chai yuyaillami cani. Salmocunahuanmi cantasha nini.