SALMOS 119:108 - Dios Rimashcata Quillcashcami

¹⁰⁸ Mandac Dioslla, ñuca shimihuan canta alli nishcataca chasquiyari. Can yachachishcatapish yachachiyari.

SALMOS 119:108 Referans Kwoze

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

SALMOS 119:12

¡Mandac Dioslla, canca alli nishcami cangui! Can mandashcacunata yachachiyari.

SALMOS 119:169

Mandac Dioslla, ñuca caparishpa mañashcaca cambac ñaupaman chayashca cachun. Can rimashca shina alli yuyaicunata cuiyari.

NÚMEROS 29:39

Chashnami ñucapac fiesta punzhapica ruhuana canguichic. Chaicunataca ñucaman cushpa tucuita rupachishca jahuapish, grano ofrendata, tallina vinota cushca jahuapish, ñucahuan alli tucungapac cushami nishcamanta cushca jahuapish, quiquin munaimanta cushca jahuapishmi cuna canguichic» nirca.

SALMOS 119:130

Can yachachishpa rimashcaca achicyachinmi. Imata mana yachaccunamanpish alli yuyaita cunmi.

SALMOS 119:26

Ñuca causaimanta canman huillacpica, uyarcanguimi. Can mandashcacunata yachachiyari.

2 CRÓNICAS 31:14

Inti llucshina lado pungupica Imna levitapac churi Coremi cuidacurca. Paica gentecuna tucui munaihuan Mandac Diosman cushca ofrendacunatapish, Mandac Diosman cushcata raquinacunatapish, Diospaclla chicanyachishcacunatapish cuidacmi carca.

SALMOS 27:6

Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.