SALMOS 119:102 - Dios Rimashcata Quillcashcami

¹⁰² Canmi ñucata yachachic cangui. Chaimantami can yachachishcamantaca manatac anchurircani.

SALMOS 119:102 Referans Kwoze

SALMOS 18:21

Ñuca Mandac Dios mandashca shinami paimanta mana caruyashpa causarcani. Ñuca Diosmantaca mana caruyarcanichu.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

PROVERBIOS 5:7

Huahuacuna, cunanca ñucata uyaichic. Ñuca yachachishpa rimashcataca ama cungaringuichu.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

JOB 36:22

Diosca tucuita ruhuac jatunmi can. Pai shina yachachicca, ¿pitac tiyangayari?