SALMOS 119:10 - Dios Rimashcata Quillcashcami

¹⁰ Tucui ñuca shunguhuanmi cantaca mashcarcani. Can mandashcacunamanta anchurichunca amatac saquinguichu.

SALMOS 119:10 Referans Kwoze

SALMOS 119:34

Alli yuyaita cuiyari. Can mandashcacunata cazushami. Chaitaca tucui shunguhuanmi pactachisha.

SALMOS 119:2

Ima shina causanata yachachishcata pactachingapac tucui shunguhuan mashcaccunaca maimi cushicun.

SALMOS 23:3

Paimi ñuca almataca sinchiyachinga. Paipac shuti alli nishca cachunmi alli ñanta ñucataca pushanga.

2 CRÓNICAS 15:15

Chashna tucui shunguhuan, tucui munaihuan ari nishpa Diosta mashcashcamantami Judá llactapi causaccunaca cushicurca. Tucui paicuna mashcashcamantaca Mandac Diosca chasquircami. Paicunapac tucui llactacunapica sumac causaimi tiyarca.

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

SALMOS 119:133

Can yachachishca shina ñucataca pushaiyari. Imapish juchacuna ñucata mishachunca ama saquichu.

PROVERBIOS 21:16

Alli yachaita saquishpa caruyacca huañushcacunahuanmi tandanacugringa.

SALMOS 119:118

Can mandashcacunata mana cazuccunataca millanayachinguimi. Paicunaca yangallatami yuyashpa causan.

SALMOS 119:21

Jatun tucushcacunataca llaquichircanguimi. ¡Can mandashcacunamanta anchuricca llaquichishca cachun!

COLOSENSES 3:22

Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.

JEREMÍAS 3:10

Tucui chaicunata ruhuashca jahuapish Israelpac ñaña mana cazuc Judaca mana ñucapacman cutircachu. Ashtahuanpish jahua shungullami cutic tucurca. Chaitaca Mandac Dios ñucami nini» nirca.

PROVERBIOS 2:13

Chai runacunaca amsa ñanta puringapacmi alli ñancunataca saquincuna.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

SALMOS 78:37

Paicunapac shunguca Dios-huanca mana allichu carca. Paicuna ari nishcatapish mana pactachircachu.

SALMOS 119:176

Ñucaca chingarishca oveja shinami purircani. Ñuca can mandashcacunata mana cungarishcamantaca, canta servic ñucata mashcaiyari.

1 SAMUEL 7:3

Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.

1 JUAN 2:15

Cai pachatapish, cai pachapi ima tiyashcacunatapish ama cuyaichicchu. Maijanpish cai pachapaclla caccunata cuyacca, Diostaca mana cuyanchu.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

OSEAS 10:2

Israelcunaca ishcai shungumi. Chaimantami cunanca juchanchishca canga. Mandac Diosmi paicunapac altarcunatapish, yanga dioscunatapish ñutuchishpa tucuchigrin.

SALMOS 119:69

Jatun tucushca gentecunaca ñucata yangami juchanchircacuna. Shina ruhuacpipish, tucui shunguhuanmi can mandashcacunata cazusha.

SALMOS 119:58

Tucui shunguhuanmi alli cangapac canta mañarcani. Can nishca shina ñucataca llaquiyari.

EZEQUIEL 34:6

Ñuca ovejacunaca chingarishpami urcucunata, lomacunata purirca. Tucui cai pachatami caita chaita rircacuna. Chashna cacpipish, pi mana mashcarcachu, pi mana tapurcachu.