SALMOS 118:7 - Dios Rimashcata Quillcashcami

⁷ Mandac Diosca ñucahuanmi, ñucata ayudacmi can. Chaimanta ñucata mana ricusha nic gentecunataca ñuca munashca shina llaquita apacuctami ricusha.

SALMOS 118:7 Referans Kwoze

SALMOS 59:10

Ñucata llaquic Dioslla, ñucata piñaccunata ñuca yuyashca shinata ruhuashpa ricuchingapacmi ñaupashpa ringui.

SALMOS 54:4

Mandac Diosmi ñucata ayudan. Ñucata cuidaccunataca Mandac Diosmi pushacun.

SALMOS 54:7

Can llaquimanta quishpichishcamantami chashna alabasha. Ñucata piñaccunata can llaquichicuctaca ñuca ñahuihuantacmi ricuni.

SALMOS 55:18

Ñucata piñaccuna tauca tucushpa huaicashpa huañuchingapac shamucpipish, paimi ñuca causaita quishpichinga.

SALMOS 112:8

Paipac shungupica imatapish mana manchanchu. Paita piñaccuna llaqui tucushcatapish ricungami.

SALMOS 92:11

Ñucata piñaccuna llaqui tucuctaca ñuca ñahuihuantac ricuchun, ñucata mana ricunayachiccuna aij nicuctaca ñuca ringrihuantac uyachunmi saquishcangui.

1 CRÓNICAS 12:18

Shina nicpimi, quimsa chunga sinchi runacunata mandac Amasai Diospac Espíritu paipacman shamucpica: «¡Isaipac churi David, cambacmi canchic. Cushi causaimi tiyanga! ¡Canpish, canta ayudaccunapish cushi causaitami charinguichic! ¡Cantaca cambac Diosmi ayudan!» nirca. Shina nicpimi, Davidca paicunata chasquishpa, soldadocunata mandaccunahuan churarca.

SALMOS 54:6

Mandac Dioslla, can alli cashcamanta alabashami. Cushicushpami ñucallatac canman curisha.

SALMOS 59:11

Ñuca llacta gentecuna ama cungarichunca paicunataca ama huañuchinguichu. Cambac poderhuan maita cachashpa llaquichiyari. Can Mandac Diosca ñucanchic jarcarina escudomi cangui.

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.