29 ¡Mandac Diosca allimi! ¡Chaimanta paita alabaichicyari! ¡Paica huiñaita llaquicmi!
Mandac Diosta pagui nishpa, alli nishpa cantashpaca: «¡Paica allimari, israelcunataca huiñaitami llaquicun!» nircacuna. Mandac Diospac huasi callari rumita churai callarishcamantami tucui gentecuna yallita cushicushpa, caparishpa Mandac Diosta alli nircacuna.
¡Mandac Diosca allimi, huiñaita llaquicmi! ¡Chaimanta paita alabaichicyari!
Ashtahuanpish paita manchaccunataca ñaupamanta huiñaicamanmi cuyacunlla. Shinallatac huahua huahuacunacamanmi cashcata ruhuacungalla.
Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.
Mandac Diosta manchaccuna: «¡Mandac Diosca huiñaita llaquicmi!» nichicyari.