SALMOS 118:27 - Dios Rimashcata Quillcashcami

²⁷ Mandac Diosca, Diosmi. Paimi ñucanchicta achicyachirca. Paiman cuna animalta altar gachucunapi huataichic.

SALMOS 118:27 Referans Kwoze

SAN JUAN 8:12

Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

ISAÍAS 60:1

¡Sión llactalla, jatariyari! ¡Achicyachiyari! Canta achicyachic luzca ñami shamushca. Cambac jahuapica Mandac Diospac achic nicucmi achicyachicun.

ISAÍAS 9:2

Tutapi causaccunaca jatun luztami ricurca. Huañunalla llandupi causaccunataca luzmi achicyachirca.

ESTER 8:16

Judá gentecunaca achicman llucshishca shinami yallita cushicushpa, alli nishca carcacuna.

SALMOS 37:6

Achicllapi shinami canmanca cashcata ruhuanga. Chaupi punzhapi shinami can japinataca cunga. Cambac cashcata ruhuanaca achicyamucuc shinami ricuringa.

1 REYES 18:39

Chaita tucui gentecuna ricushpa, allpacaman cumurishpaca: «¡Mandac Diosca, Diostacmi! ¡Mandac Diosca Diostacmi!» nircacuna.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

ÉXODO 38:2

Altarpac chuscu esquinapica gachucunatami ruhuarca. Chai gachucunaca altarhuan shucllata ruhuashcami carca. Chai altar gachucunataca broncehuanmi jahuata cahuirca.

ÉXODO 27:2

Chai altar chuscu esquinapica chuscu gachuta ruhuangui. Chai gachucunaca altarhuan shuc shinalla ruhuashcami canga. Chai altar jahuataca broncehuan cahuingui.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

1 CRÓNICAS 29:21

Chai cayandi punzhaca Mandac Diosman animalcunata cushpami huañuchirca. Shinallatac animalcunata Mandac Diosman cushpami tucui rupachirca. Huaranga huagracunata, huaranga cari ovejacunata, huaranga maltón ovejacunatami vinota tallishpa, shinallatac israelcuna cushca achca animalcunatapish Diosman cushpa rupachirca.

MIQUEAS 7:9

Ñuca juchata ruhuashcamantami Mandac Diosca piñarirca. Chaimanta cunanca, pai taripashpa, cashcata ruhuangacaman pai llaquichishcataca apacushallami. Paimi ñucataca achic luzman llucchinga. Chashna llucchicpica, pai cashcata ruhuac cashcatami ricusha.