19 ¡Cashcata ruhuaccuna yaicuna punguta pascaichic! Chaita yaicushpami Mandac Diosta pagui nisha.
Cashcata ruhuac, Diosta cazuc runacuna yaicuchun llacta pungucunata pascaichic.
Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!
Paipac huasi pungutaca pagui nishpa, paipac huasi canzha pambataca cantashpa yaicuichicyari. Paipac shutitaca alli nichicyari, shinallatac pagui nichicyari.
Shina nicpimi, Ezequiasca Isaiastaca: —¿Imata ricushpatac Mandac Diospac huasiman rishayari?— nirca.
Mandac Diosmi quishpichinga. Chaimantami punzhanta tucui causaipi Mandac Diospac huasipi arpapi tocashpa, paita cantacunchiclla» nishpami quillcarca.
Paita pagui ningapac paipac ñaupaman cuchuyashunchic. Salmocunahuan caparishpa cantashunchicyari.
Paipaclla huasipi tiyacuc Diosca taita mama illac huahuacunapac Taitami. Viudacunapac juezmi can.