SALMOS 118:15 - Dios Rimashcata Quillcashcami

¹⁵ Cashcata ruhuaccunapac carpa huasipica cushicuihuan cantashcapish, quishpichishcamanta rimashcapish uyarinmi. Mandac Diospac alli maquimi yallita mishacun.

SALMOS 118:15 Referans Kwoze

SALMOS 89:13

Cambac maquica tucuita ruhuac, sinchi maquimi. Cambac alli lado maquica alli nishcami.

SALMOS 60:12

Dios-huanca jatun mancharinacunatami ruhuashun. Paimi ñucanchicta piñaccunata sarunga.

ÉXODO 15:6

Mandac Dioslla, cambac alli maquica jatun poderyuc sinchi maquimi. Mandac Dioslla, cambac maquihuanmi piñaccunataca tucuchircangui.

SAN LUCAS 1:51

Paipac maquihuanmi mancharinacunata ruhuashca. Jatun tucushcacunapac yuyaitapish chingachishcami.

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

HECHOS 16:34

Ña bautizarishpaca, paipac huasiman pushashpami, micunata cararca. Paipac tucui familiacunandimi Diosta crishcamanta yallita cushicurca.

ISAÍAS 65:13

Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.

SALMOS 119:111

Ima shina causanata can yachachishcaca ñucata cushichicmi. Chaimantami huiñaipac ñuca japina can.

SALMOS 68:3

Ashtahuanpish cashcata ruhuaccunaca Diospac ñaupapi yallita cushicushpami saltangacuna.

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

SALMOS 32:11

Cashcata ruhuaccunalla, Mandac Diosmanta cushicuichicyari. Shungupi ima millai yuyaita mana chariccuna cushicushpa cantaichicyari.

SALMOS 45:4

Can sumaimana cashcamantaca, tucuipimi alli llucshingui. Cambac poderhuanmi carretata caballocunapi aisachishpa yangalla shinacunaman cashcata ruhuangapac, mana llullac cashcahuan millaita ruhuaccunata llaquichingui. Alli maquihuanca mai mancharinacunatami ruhuangui.

DEUTERONOMIO 12:12

Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.

SALMOS 119:54

Caru llactapi puricucpica, can mandashcacunaca ñucamanca cantanami carca.

SALMOS 5:12

Can Mandac Diosllami cashcata ruhuaccunamanca bendiciangui. Cambac cuyaihuanmi escudohuan muyundita jarcac shina cuidangui.

SALMOS 111:2

Mandac Dios ruhuashcacunaca jatunmi. Chashna allita ruhuachun munaccunaca paitami mashcan.