SALMOS 117:1 - Dios Rimashcata Quillcashcami

¹ ¡Tucui llactacuna, tucui gentecuna, Mandac Diosta alabaichicyari!

SALMOS 117:1 Referans Kwoze

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

ROMANOS 15:11

Cutinllatac Dios quillcachishcapica: «Tucui llactacuna Mandac Diosta alli nichic. Tucui aillucuna, Diosta jatunyachichic» ninmi.

SALMOS 67:3

¡Dioslla, llactacunapi causaccuna canta alabachun! ¡Tucui llactapica causaccuna canta alabachun!

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

SALMOS 66:1

¡Tucui cai pachapi causaccuna Diosta cushichishpa alabaichic!

SALMOS 86:9

Jatun Dioslla, tucui can ruhuashca llactacunami cambac ñaupaman shamushpa, cantaca sumacmi cangui ningacuna.

SALMOS 66:4

¡Tucui cai pachapi causaccunami cantaca alli nishpa cantangacuna! ¡Cambac shutitami cantangacuna!» nichicyari.

SALMOS 150:6

¡Tucui samaita chariccuna alabaichicyari! ¡Mandac Diosta alabaichicyari!