SALMOS 114:4 - Dios Rimashcata Quillcashcami

⁴ Urcucunaca cari oveja shina, lomacunapish huahua oveja shinami saltarca.

SALMOS 114:4 Referans Kwoze

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

ÉXODO 20:18

Tucui israelcunamami tulun nishcatapish, corneta tocashcatapish uyarca. Shinallatac relampa jaguin nishcatapish, Sinaí urcu cushni tapashcatapish ricurca. Chaimantami manchaihuan chucchushpa caruyarca.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

HABACUC 3:8

Mandac Dioslla, ¿callpac yacucunahuanchu piñarircangui? ¿Canca jatun yacuhuanchu nina japiric shina piñarircangui? ¿Cambac caballocunapi, cambac mishana carretacunapi tiyarishpaca, mama cuchatachu llaquichigringui?

SALMOS 29:6

Pai rimashpaca becita shinami Líbano urcutaca saltachirca. Sirión urcutaca, sacha becita shinami saltachirca.

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

SALMOS 68:16

Jatun urcucunalla, ¿ima nishpatac Dios tiyana acllashca urcutaca munashpa chapanguichic? Mandac Diosmi chaipica huiñaita causanga.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.