SALMOS 114:2 - Dios Rimashcata Quillcashcami

² Judá llactaca Diospac huasimi tucurca. Israelca pai mandana llactami tucurca.

SALMOS 114:2 Referans Kwoze

ÉXODO 25:8

Cancunapac chaupipi ñuca causangapac ñucahuan tupana huasita shayachinguichic.

ÉXODO 15:17

Mandac Dioslla, can cushca urcuman chayachishpami, tarpuc shina churangui. Can causangapac allichishca llactamanmi chayachingui. Cambac maquihuan shayachishca sumac huasimanmi pushangui.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

DEUTERONOMIO 27:9

Chaimantaca Moises-huan levita curacunahuan israelcunata rimashpaca: «Israelcunalla, upalla caita uyaichicyari. Cunanmi cancunaca Mandac Dios acllashca tucushcanguichic.

DEUTERONOMIO 23:14

Mandac Diosmi cancunata ayudashpa, piñaccunata cancunapac maquipi churangapac, carpa huasi chaupipi purin. Chaimantami carpa huasica Diospaclla, shinallatac chuyaclla cana can. Mapa cacpica, Mandac Diosca anchuringami.

LEVÍTICO 11:45

Ñucaca cancunata Mandac Diosmi cani. Cancunapac Dios cangapacmi Egipto llactamanta huichai llucchimurcani. Chaimantami cancunapish jucha illac cana canguichic” ningui.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.

DEUTERONOMIO 27:12

«Jordán yacuta cancuna pasacpica, Simeonpac, Levipac, Judapac, Isacarpac, Josepac, Benjaminpac aillucunami israelcunata bendiciangapac Gerizim urcupi shayaringa.

DEUTERONOMIO 7:6

Cancunaca Mandac Diospaclla chicanyachishcami canguichic. Mandac Diosca tucui cai pachapi causaccunamanta ashtahuan alli gentecuna cachunmi acllarca.