SALMOS 113:7 - Dios Rimashcata Quillcashcami

⁷ Huaccha runataca ñuto allpamantami jatarichin. Imata mana charic runatapish, yangapi cashcamantami llucchin.

SALMOS 113:7 Referans Kwoze

SALMOS 107:41

Shina cacpipish, huacchacunata llaquimanta llucchishpami, paicunapac familiatapish oveja corral shinata mirachin.

EZEQUIEL 17:24

Mandac Dios ñuca jatun yurata urmachishpa, uchilla yurata jatunyachic cashcatapish, verdinlla yuracunata chaquichishpa, chaquishca yurata verdiyachic cashcatapishmi shuctac yuracunaca yachanga. Chaitaca Mandac Dios ñucami nini. Chaitaca pactachishatacmi” ninmi ningui» nirca.

JOB 5:11

Yangalla runacunataca jatun alli nishcatami ruhuan. Manchailla causaccunamanca cushilla causaitami cun.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

JOB 2:8

Shina ruhuacpimi, Jobca uchupapi tiyarishpa, callana paquishcahuan aspiricurcalla.

SALMOS 22:15

Ñuca shimipish chaquishca callana shinami. Ñuca callupish chaquishpami, palancarapi llutarin. Huañushpa allpa tucuchunmi saquishcangui.

1 SAMUEL 24:14

Israelcunata jatun mandaclla, ¿pitatac llaquichingapac shamurcangui? ¿Pitatac caticungui? ¿Huañushca allcutachu caticungui? ¿Piquitachu caticungui?

1 REYES 16:2

«Cantaca ñuto allpamanta jatarichishpami, ñuca acllashca israelcunata mandachun churarcani. Ashtahuanpish canca Jeroboam shinallatac juchata ruhuashpami ñuca acllashca israelcunatapish juchata ruhuachishcangui. Can ruhuashca juchacunahuanmi ñucataca yallita llaquichingui.