SALMOS 113:5 - Dios Rimashcata Quillcashcami

⁵ Jahua pachapi causac ñucanchic Mandac Dios shinaca, ¿pitac tiyangayari?

SALMOS 113:5 Referans Kwoze

SALMOS 89:6

¿Pitac jahua pachapica can Mandac Dios-huanca chimbapurai pudinyari? Jahua pachapi causaccunapurapica, ¿pitac Mandac Dios shina jatunca tiyangayari?

JEREMÍAS 10:6

¡Mandac Dioslla, can shinaca pi mana tiyanchu! Canllami jatun cangui. Cambac shutica jatun poderyucmi.

ISAÍAS 40:25

Jucha illac Diosca: «¿Imatatac ñucaman ricchata ruhuai pudinguichic? Mana cashpaca, ¿imahuantac ñucataca chimbapurai pudinguichic?» ninmi.

DEUTERONOMIO 33:26

¡Jesurunpac Dios shinaca, mana shucca tiyanchu! Paica, jatun cashcahuanmi puyu jahuapi tiyarin. Paica canta ayudangapacmi jahua pachapi tiyarin.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

SALMOS 89:8

Tucuita ruhuac Mandac Dioslla, ¿pitac can shinaca tiyanyari? ¡Canca tucuita mandacmi cangui! Cashcata nic Diosmi cangui.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

ISAÍAS 16:5

Chai quipami Davidpac huahua huahuapuramanta shuc mandac llucshinga. Paimi David shayachishca carpa huasipica cuyaihuan mandanga. Paimi piñaccunataca llaquichishpa, cashcata ruhuashpa mandanga.

SALMOS 103:19

Mandac Diosca pai mandashpa tiyanata jahua pachapi churashpami tucuita mandacun.

SALMOS 11:4

Mandac Diosca paipaclla huasipimi tiyacun. Mandac Diosca jahua pachapimi jatun tiyarinataca charin. Huañuclla aichayuc runa ima shina cashcataca tucuita ricucun.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

SALMOS 89:9

Piñarishca mama cuchatapish canmi mandangui. Yacu jatarishpa huaj nicuctapish canmi casillata ruhuangui.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.