SALMOS 11:2 - Dios Rimashcata Quillcashcami

² Millaita ruhuac runacunaca alli yuyaita chariccunata huañuchingapacmi arcotapish, flechatapish allichishpa pacalla charicun.

SALMOS 11:2 Referans Kwoze

JEREMÍAS 9:3

Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

SALMOS 37:14

Diosta mana manchac runacunaca imata mana chariccunata, huacchacunata urmachingapacmi espadacunata llucchincuna, arcocunatapish chutancuna. Imatapish allita ruhuaccunata huañuchingapacmi charincuna.

SALMOS 21:12

Ashtahuanpish cambac arcohuan flechata ñahuipi shitashpami, paicunataca callpachingui.

SAN MATEO 26:4

Jesusta umashpa pacalla japishpa huañuchinata yuyarinacurca.

SALMOS 142:3

Llaquihuan ñuca shungu paquiricpica, canmi ñuca ñanta yachangui. Ñuca purina ñanpimi linchita churarcacuna.

SALMOS 125:4

Mandac Dioslla, allita ruhuac chuya shungucunamanca allita ruhuaiyari.

SALMOS 97:11

Cashcata ruhuaccunapacca luzca tarpushca shinami tiyacun. Shungupi millai yuyaita mana chariccunapacca cushicunaca tarpushca shinami tiyacun.

SALMOS 94:15

Ashtahuanpish mandaccunaca cashcatami ruhuai callaringa. Shungupi ima millai yuyaita mana chariccunaca chaitami catingacuna.

SALMOS 64:10

Cashcata ruhuac runaca Dios-huan cushicushpami Paipi shunguta churanga. Alli shungucunaca tucuimi cushicungacuna.

SALMOS 32:11

Cashcata ruhuaccunalla, Mandac Diosmanta cushicuichicyari. Shungupi ima millai yuyaita mana chariccuna cushicushpa cantaichicyari.

SALMOS 10:2

Millaita ruhuaccunaca jatun tucushpami huacchataca catinta llaquichin. ¡Shina cashpapish huacchacuna urmachun, paicuna churashcallapitacmi urmanga!

SALMOS 7:12

Diosca paita mana cazuccuna mana llaquiricpica, espadatami filoyachin. Arcotapish ñami allichishpa charicun.

SALMOS 7:10

Diosmi escudo shina jarcacun. Shungumanta cashcata ruhuaccunataca paimi quishpichin.

1 SAMUEL 23:9

Ashtahuanpish Davidca Saúl ima shina huañuchinata yuyaricushcata yachashpami Abiatar curataca: —Efodta apamui— nirca.

1 SAMUEL 18:21

Chaimantami Saulca: «Tucllapi urmachic shinami filisteocunapac maquipi paicuna huañuchichun cazarachisha» yuyarca. Chaimantami Saulca cutinllatac Davidtaca: —Cunanmi ñuca yerno cagringui— nirca.