SALMOS 109:23 - Dios Rimashcata Quillcashcami

²³ Llandu chingaricuc shinami ñucaca tucuricuni. Langosta curu shinami caiman chaiman shitashca cani.

SALMOS 109:23 Referans Kwoze

ÉXODO 10:19

Shinami Mandac Diosca inti yaicuna ladomanta huairata sinchita cachashpa, tucui langostacunata anchuchishpa, Puca Cuchapi shitarca. Shina ruhuacpica, shuc langostallapish Egipto llactapica mana saquirircachu.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

1 CRÓNICAS 29:15

Ñucanchicca cambac ñaupapica tucuimi ñaupa taitacuna shinallatac shuc llactamanta shamushpa, pozashpa causacunchic. Ñucanchic causaica cai pachapica llandu chingaric shina chingarinallami.

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

ECLESIASTÉS 8:13

Ashtahuanpish Diosta mana manchac runapacca imapish mana alli llucshinata, paipac causana punzhacuna ashallayashpa, llandu shina tucuna cashcatami yachani. Diospac ñaupapi mana manchashcamantami chashnaca tucunga.

ECLESIASTÉS 6:12

Runapac causai punzhacunaca llandu pasacuc shina yangallami. Chai punzhacuna alli canataca, ¿pitac yachan? Runa huañushca quipa inti achicyachicuc cai pachapi ima tucuna cashcataca, ¿pitac huillai pudingayari?

SALMOS 144:4

Gentecunaca samai shinallami. Paicuna causana punzhacunaca llandu shinallami.

ÉXODO 10:13

Shina nicpimi, Moisesca Egipto llacta jahuata maquita alzarca. Shina ruhuacpimi, Mandac Diosca inti llucshina ladomanta tucui tuta, tucui punzha huairata cacharca. Cayandi tutamantaca inti llucshina ladomanta shamuc huairaca langostacunatami apamurca.

SALMOS 102:12

Mandac Dioslla, ashtahuanpish canca, huiñaitami mandashpa tiyacungui. Cantaca huahua huahuami yuyaricunlla.