SALMOS 109:21 - Dios Rimashcata Quillcashcami

²¹ Ñucata Mandac Dioslla, cambac shutita cuyashcamanta ñucata quishpichiyari. Canca allimi llaquingui. Chaimanta ñucata llaquiyari.

SALMOS 109:21 Referans Kwoze

SALMOS 69:16

Mandac Dioslla, can yallita cuyac cashcamanta ñuca mañashcata cutichiyari. Can yallita llaquic cashcamanta ñucata ricuiyari.

SALMOS 31:3

Canca ñuca jarcarina jatun rumipish, muyundi jatun pircapish canguimi. Can jatun cashcata yachachunca alli ñanta cuidashpa pushaiyari.

SALMOS 63:3

Can llaquishca canaca causaitapish ashtahuan allimi. Chaimantami ñuca shimihuanca canta alabasha.

SALMOS 25:11

Mandac Dioslla, ñucaca jatun juchatami ruhuashcani. Cambac shuti alli nishca cachunca perdonaiyari.

SAN JUAN 17:1

Chaicunata nishca quipa Jesús jahua pachata huichailla ricushpaca: —Ñuca Taitalla, ñucata japichina pachaca ñami chayamushca. Chaimanta cambac Churi canta jatunyachichun, cambac Churitapish jatunyachiyari.

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

SALMOS 69:29

Ñucaca nanaihuan llaquirishcami cani. Dioslla, can quishpichishpa ashtahuan jahuaman churaiyari.

SALMOS 23:3

Paimi ñuca almataca sinchiyachinga. Paipac shuti alli nishca cachunmi alli ñanta ñucataca pushanga.