SALMOS 109:14 - Dios Rimashcata Quillcashcami

¹⁴ Quipa tiyashca huahua huahuacunapish tucui tucuchishca cachun. Paipac taitacuna yallita mana allita ruhuashcataca Mandac Dios yuyaricuchunlla. Paipac mamapac juchatapish ama anchuchishca cachun.

SALMOS 109:14 Referans Kwoze

NEHEMÍAS 4:5

Paicuna pircata shayachiccunata piñashcamantaca, paicuna mana allita ruhuashcatapish, juchallishcatapish ama cungaringuichu» nishpami mañarcani.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

JEREMÍAS 18:23

Mandac Dioslla, paicuna ñucata huañuchingapac yuyaricushcataca yachanguimi. Paicunapac juchacunata ama cungaringuichu. Paicuna mana allita ruhuashcataca ama perdonanguichu. ¡Paicuna cambac ñaupapi urmachun, nina japiric shina piñariyari!

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

2 REYES 11:1

Ocoziaspac mama Atalía paipac huahua huañushcata yachashpami, jatun mandacpac tucui huahua huahuacunata huañuchirca.

2 REYES 9:27

Chaita ricushpami, Judá llactata jatun mandac Ocoziasca huerta chaupipi tiyac huasiman rina ñanta miticushpa callparca. Chashna callpacpimi Jehuca: «¡Paitapish huañuchi!» nishpa catirca. Chaimantami Ibleam pueblo ladollapi tiyac Gur huichaita carretapi callpacucpi chugrichirca. Ocoziasca Miguido pueblomanmi miticushpa callparca. Ashtahuanpish chaipimi huañurca.

2 REYES 8:27

Ocoziaspish Acabpac huasi ucupura shinallatacmi causarca. Paica Acabpac familiapura tucushpami, Mandac Diospac ñaupapica Acabpac huasi ucupura shinallatac mana allita ruhuashpa causarca.

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

2 SAMUEL 3:29

¡Ashtahuanpish chai yahuarmantaca Joabpac, paipac huasi ucupuracunapac jahuapi llaqui urmachun! Joabpac huasi ucupurapica yahuar llucshic ungüipish, lepra ungüipish, suchucunapish, espadahuan huañuchishcacunapish, yarcaipish, jaicapi ama illachun— nirca.

LEVÍTICO 26:39

Cancunapuramanta mana huañushpa saquiriccunaca piñaccunapac llactapimi paicunapac mana allita ruhuashcamanta, shinallatac paicunapac taitacunapac juchamanta huañungacuna.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.