SALMOS 104:2 - Dios Rimashcata Quillcashcami

² Canca churanata churarishca shinami luz-huan jahuata pillurishca cangui. Canmi jahua pachataca lienzota chutac shina tendishcangui.

SALMOS 104:2 Referans Kwoze

ISAÍAS 40:22

Diosca cai pacha tucui muyundipimi tiyacun. Chaipi causaccunaca langosta curucuna shinami. Paimi jahua pachataca pañota tendic shina, carpa huasita shayachic shina ruhuarca.

DANIEL 7:9

Chashna ricucucllapitacmi mandaccuna tiyarinata churashpa, shuc yuyac runata tiyachirca. Chai runaca rasu shina yuranlla churanata churashca, acchaca chuya oveja millma shina yuranllami carca. Chai mandashpa tiyarinapish, chai tiyarinapac ruedacunapish rupacuc shinami carca.

ISAÍAS 45:12

Ñucaca cai pachata ruhuashpami chaipica runata causachun churarcani. Ñuca maquihuan jahua pachata ruhuashpami, chaipi lucerocuna tiyachunpish mandarcani.

1 JUAN 1:5

Ñucanchicman Jesucristo yachachishcatami cancunamanca huillanchic. Diosca achicyachic luzmi. Paipica ima amsa mana tiyanchu.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

JOB 9:8

Paillami jahua pachatapish telata chutac shina churarca. Paica caiman chaiman cuyucuc mama cucha jahuatami purin.

JOB 36:30

Riquichic, paimi paipac jahuapi achicyachicta churarca. Chai achicyachicmi mama cuchatapish catac shina achicyachicun.

HABACUC 3:4

Paica achic nicuc luz shinami. Paipac maquimantaca relampa achicyachicmi llucshin. Chai chaupipica paipac fuerzami pacalla tiyacun.