SALMOS 103:2 - Dios Rimashcata Quillcashcami

² Ñuca almalla, Mandac Diosta alli niyari. Tucui pai bendiciashcataca shucllatapish ama cungarichu.

SALMOS 103:2 Referans Kwoze

ISAÍAS 63:7

Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.

SALMOS 116:12

Mandac Dios cai tucui allicunata ñucaman ruhuashcamanta, ¿imatatac paimanca cushayari?

SALMOS 105:5

Pai ruhuashca sumaimanacunatapish, jatun mancharinacunata ruhuashcatapish, paipac shimihuan rimashpa llaquichinatapish yuyarichicyari.

DEUTERONOMIO 6:12

Egipto llactapi cancuna huatashca shina causacushcamanta llucchic Mandac Diosta pacta cungaringuichicman.

2 CRÓNICAS 32:25

Ashtahuanpish Ezequiasca allicunata paiman ruhuashcamantaca mana pagui nishpami, paipac shungupi jatun tucurca. Chaimantami Mandac Diosca paihuanpish, Judá llactapi causaccunahuanpish, Jerusalenpi causaccunahuanpish nina japiric shina piñarirca.

DEUTERONOMIO 32:18

Cancunata ruhuac jatun Rumi shina, Diostami cungarircanguichic.

DEUTERONOMIO 32:6

Imatapish mana yachac, yuyai illac gentecunalla, ¿chashnachu Mandac Diostaca ruhuana carcanguichic? ¿Paica manachu cancunaman causaita cuc Taita? Paimari causaita cushpa callarichirca.

SALMOS 106:21

Egiptopi mancharinacunata ruhuac, quishpichic Diostami cungarircacuna.

SALMOS 106:7

Egiptopi Dios mancharinacunata ruhuashcataca ñucanchic ñaupa taitacunaca mana entendircachu. Dios yallita llaquic cashcataca mana yuyarircacunachu. Chaipac randica Puca Cucha patapica Diosta mana cazushpami cariyarcacuna.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

JUECES 5:2

Israelcunata pushaccuna ñaupashpa rishcamantapish, quiquin munaihuan macanacuiman llucshishcamantapish ¡Mandac Diosta alli nichicyari!

JUECES 5:9

¡Ñucaca tucui shunguhuanmi israelcunata pushaccunata alli nini! Israelcunapuramanta mana manchashpa, macanacungapac llucshiccunatapish alli ninimi. Mandac Diosta allimari cangui ¡nichicyari!