SALMOS 103:1 - Dios Rimashcata Quillcashcami

¹ Ñuca almalla, Mandac Diostaca alli niyari. Paipac jucha illac shutitaca tucui shunguhuan alli niyari.

SALMOS 103:1 Referans Kwoze

SAN JUAN 4:24

Diosca Espiritumi. Chaimantami paita mañacca Diospac Espíritu yuyaita cucpi, ima shina mañana cashca shina mañancuna— nirca.

1 CORINTIOS 14:15

Shinashpaca, ¿imatatac ruhuasha? Espirituhuanpish, yuyaihuanpishmi mañasha. Shinallatac espirituhuanpish, yuyaihuanpishmi cantasha.

SALMOS 111:1

Mandac Diostaca, allita ruhuaccunahuan cashpa, jatun tandanacuipimi tucui shunguhuan alabasha.

SALMOS 103:22

¡Mandac Diostaca tucui pai ruhuashcacuna alli nichicyari! Tucui ima tiyactaca paimi mandacun. ¡Ñuca almalla, Mandac Diosta alli niyari!

SALMOS 99:3

Manchana paipac jatun shutitaca alabaichicyari. ¡Paica jucha illacmi!

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

SALMOS 63:5

Ñuca almaca huira aichata micushca shinami cushicunga. Jatun cushicuihuanmi ñuca shimihuan alabasha.

SALMOS 47:7

Dios tucui cai pachata jatun mandac cashcamantaca sumac cantocunahuan cantaichicyari.

FILIPENSES 1:9

Cancunamanta ñuca Diosta mañacushpaca, ashtahuan cuyaita charichun, shinallatac alli entendishpa Diosmanta allita yachac cachunmi mañani.

SALMOS 138:1

Mandac Dioslla, ñucaca tucui shunguhuanmi cantaca pagui nini. Shuctac dioscunapac ñaupapimi cantaca salmocunahuan cantasha.

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

APOCALIPSIS 4:8

Chai chuscu causaita chariccunaca tucuimi sucta alasta charirca. Canzhamanpish, ucumanpish ñahui murucuna jundami carca. Chaicunaca tutapish, punzhapish mana shaicushpami: «¡Tucui imatapish ruhuac Mandac Dioslla, canca jucha illac, jucha illac, jucha illacmi cangui! Canllatacmi carcangui, canllatacmi cangui, shinallatac canllatacmi shamungui» nishpami, alli nicurca.

SALMOS 104:1

¡Ñuca almalla, Mandac Diosta alli niyari! ¡Ñucata Mandac Dioslla, canca yallita jatun Diosmi cangui! Canca achic nicuc-huan, sumaimanahuan churarishca shinami cangui.

SALMOS 145:1

Ñuca jatun Mandac Dioslla, cantaca jatunyachishami. Cambac shutitaca huiñaitami alli nicusha.