SALMOS 102:19 - Dios Rimashcata Quillcashcami

¹⁹ Mandac Diosca jahuapi cac paipac huasimantami ricurca. Jahua pachamantami cai pachataca ricurca.

SALMOS 102:19 Referans Kwoze

DEUTERONOMIO 26:15

Can tiyacuc sumaimana jahua pachamanta can acllashca israelcunatapish, ñucanchic taitacunaman cungapac ari nishca allpatapish bendiciaiyari. Chai allpaca lechepish mishquipish yacu shina callpacucmi” ningui.

SALMOS 14:2

Paita mashcac alli yuyaiyucca maijanllapish tiyangami nishpami, Mandac Diosca huañunalla gentecunataca jahua pachamanta ricurca.

JOB 22:12

Diosca jahua pachamanta ashtahuan jahua pachapimi tiyacun. Lucerocunapish paimanta urapimi cancuna. Chaitaca ricuiyari.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

1 REYES 8:43

Chashna mañacpica, can causacuc jahua pachapi uyanguiyari. Shina uyashpami shuc llactamanta cacpipish, paicuna imata mañashca shinallatac ruhuangui. Chashna ruhuacpimi, tucui cai pachapi causaccunaca cambac shutita ricsishpa, can acllashca israelcuna shinallatac canta manchashpa causanga. Shinallatac ñuca shayachishca cai huasipipish, cambac shutita jatunyachishpami mañangacuna.

1 REYES 8:39

Shina mañacpica, can causana jahua pachapi uyashpami, paicunapac juchacunata perdonangui. Shina perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui. Canllami yachangui.

ISAÍAS 43:21

Cai acllashcacunataca ñucapac cachunmi ruhuarcani. Tucui paicunami ñucataca alli nishpa cantanga.