SALMOS 102:16 - Dios Rimashcata Quillcashcami

¹⁶ Mandac Diosmi Siontaca shayachinga. Paipac sumaimanami ricuringa.

SALMOS 102:16 Referans Kwoze

JEREMÍAS 33:7

Judá llactamanta, Israel llactamanta prezu apashca gentecunaca cutin cutichimushpami, utcapi cashca shinallatac sinchiyachisha.

SALMOS 147:2

Mandac Diosca Jerusalenta cutinllatac shayachicmi. Israelcunata prezushpa aparishcata cutichimucmi.

MIQUEAS 2:9

Ñuca llactapi causac huarmicunatapish paicuna cushilla causana huasicunamantami llucchishpa cacharcanguichic. Paicunaman ñuca cushca huahuacunatapish huiñaitami quichurcanguichic.

JEREMÍAS 31:4

Carihuan manarac chayarishca soltera shina Israel llactalla, cambac llactata cutin shayachishami. Cutin allichirishpami panderohuan cushicushpa, danzashpa llucshingui.

ISAÍAS 66:18

Ñucaca paicuna imata ruhuashcatapish, imata yuyaricushcatapish yachanimi. Tucui llactamanta chican chican rimaita rimac, tucui runacunata tandachina punzhacunami chayamunga. Paicuna shamushpami, ñuca poderta ricunga.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

ISAÍAS 60:7

Cedar llactamantaca animalcunata tandachishpami cambac ñaupaman apamunga. Nebaiot llactamanta cari ovejacunatami canman cungacuna. Chaicunataca cushicushpami, Mandac Diospac altarpi rupachishcata chasquinga. Achicyachic paipac causana huasitaca yallita sumacyachinga.

ISAÍAS 14:26

Cai pachata llaquichingapacmi ña yuyarircani. Tucui llactacunata llaquichingapacmi maquita chutashca cani» nirca.

SALMOS 97:6

Jahua pachaca pai cashcata ruhuac cashcatami huillan. Tucui gentecunaca pai sumaimana cashcatami ricun.

SALMOS 69:35

Diosmi Siontaca llaquimanta llucchinga. Judá llacta pueblocunatapish cutin allichinga. Chaipi causai callarishpami chai pueblotaca paicunapac cachun japingacuna.

SALMOS 51:18

Can cuyashcamanta Sión urcupac allita ruhuaiyari. Jerusalén muyundi pircata cutin shayachiyari.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

ISAÍAS 60:3

Shuctac llactacunapi causaccunapish, jatun mandaccunapish cambac achicyachic luzpimi puringa.

MALAQUÍAS 1:14

Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.