SALMOS 102:12 - Dios Rimashcata Quillcashcami

¹² Mandac Dioslla, ashtahuanpish canca, huiñaitami mandashpa tiyacungui. Cantaca huahua huahuami yuyaricunlla.

SALMOS 102:12 Referans Kwoze

SALMOS 135:13

Mandac Dioslla, cambac shutica huiñaipacmi. Mandac Dioslla, huahua huahuacamanmi cantaca yuyaricungalla.

LAMENTACIONES 5:19

Mandac Dioslla, ashtahuanpish canca huiñaitami mandangui. Can mandashpa tiyarinaca huahua huahuacamanmi canga.

ÉXODO 3:15

Cutinllatac Diosca Moisestaca: —Israelcunataca: “Cancunapac ñaupa taita Abrahampac, Isaacpac, Jacobopac Mandac Diosmi cancunapacmanca cacharca” ningui. Cai shutica huiñaipacmi can. Cai shutitami huiñaita ricsinga.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

SALMOS 9:7

Ashtahuanpish Mandac Diosca huiñaitami causanga. Paica gentecunata taripangapacmi mandashpa tiyanapi tiyacun.

ISAÍAS 44:6

Israelcunata jatun mandac, quishpichic, tucuita Mandac Diosca: “Ñucami callaripish, tucuripish cani. Ñucamanta shuctac Diosca mana tiyanchu.

ISAÍAS 60:15

Shitashca pamba, pipish mana ricunayachishca, pipish mana purinata munashca cacpipish, ñucami cantaca huiñai huiñaita alli nishca cachun ruhuasha. Tucui quipa huiñaicuna cushicushpa causanatami ruhuasha.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

JOB 8:9

Ñucanchicca cainallamanta cashpami imatapish mana yachanchic. Ñucanchic causaica cai pachapica llandu shinallami.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

SALMOS 90:6

Quihuaca tutamanta huiñashpa sisashca cashpapish, chishipacca anguyashpa chaquinllami.

SALMOS 109:23

Llandu chingaricuc shinami ñucaca tucuricuni. Langosta curu shinami caiman chaiman shitashca cani.