SALMOS 100:4 - Dios Rimashcata Quillcashcami

⁴ Paipac huasi pungutaca pagui nishpa, paipac huasi canzha pambataca cantashpa yaicuichicyari. Paipac shutitaca alli nichicyari, shinallatac pagui nichicyari.

SALMOS 100:4 Referans Kwoze

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

1 CRÓNICAS 29:13

Chaimantami ñucanchic Dioslla, cambac sumaimana shutitaca alli ninchic.

SALMOS 66:13

Cambac huasimanca canman cushpa tucui rupachina animalhuanmi yaicusha. Canman cusha nishcataca cushatacmi.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

SALMOS 96:2

¡Mandac Diosta cantashpa paipac shutita alli nichicyari! Pai quishpichic cashcataca punzhanta huillaichicyari.

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

SALMOS 65:1

Dioslla, canllami Sión urcupica alabashca cana cangui. Canman imata cusha nishcataca pactachishunmi.

SALMOS 95:2

Paita pagui ningapac paipac ñaupaman cuchuyashunchic. Salmocunahuan caparishpa cantashunchicyari.

SALMOS 96:8

Mandac Diostaca paipac shutita alli nina cashcamanta sumaimanami cangui nichic. Paiman ofrendata apashpa, paipac huasi canzha pambaman shamuichic.

SALMOS 99:3

Manchana paipac jatun shutitaca alabaichicyari. ¡Paica jucha illacmi!

SALMOS 122:2

Mandac Dioslla, ñucanchicca Jerusalén pungucunata yaicushpami shayacunchic.

SALMOS 122:4

Chaimanmi Mandac Diospac shutita alabangapac Israel aillucunapish, Mandac Dios acllashca Israel aillucunapish, tandanacushca israelcunapish huichai rincuna.