SALMOS 100:2 - Dios Rimashcata Quillcashcami2 Mandac Diostaca cushicushpa servichicyari. Paipac ñaupamanca cushicuihuan shamuichicyari. Gade chapit la |
Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.
Ña pusac punzhapica Salomonca cayacaman nishpami gentecunataca cacharca. Chashna cachacpimi, paicunaca jatun mandacta bendiciashcamanta, shungupi yallita cushicushpa paicunapac huasicunaman cutircacuna. Mandac Dios paita servic Davidman, pai acllashca israelcunaman tucui allicunata ruhuashcamantami chashna cushicurca.
Chai quipami Ezequiasca curacunata, levitacunata paicuna imata ruhuanata yachac cashca shinallatac chullayanacushpa Diosta servichun chican chicanta churarca. Paicunataca animalcunata Diosman cushpa rupachichun, Dios-huan alli tucungapac cushcacunata cuchun, Diospacta ruhuachun, Mandac Diosta pagui nishpa paipac huasi pungucunapi alli nichunmi mandarca.
Chaimantami jatun mandac Ezequiaspish, shuctac mandaccunapish levitacunataca David quillcashca shimicunahuanpish, Dios ima nishcata huillac Asaf quillcashca shimicunahuanpish Mandac Diostaca allimari cangui nichun mandarca. Shina nicpimi, paicunaca yallita cushicushpa cungurishpa Diosta alli nircacuna.