SALMOS 10:17 - Dios Rimashcata Quillcashcami

¹⁷ Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

SALMOS 10:17 Referans Kwoze

SALMOS 145:19

Paita manchaccuna ima munashcataca pactachingami. Shinallatac caparishpa mañashcata uyashpami quishpichinga.

2 CRÓNICAS 34:27

‘Cai llactatapish, cai llactapi causaccunatapish ñuca llaquichigricushcata uyashpaca, cambac shungupi nanarishpa, ñuca ñaupapi llaquirishpa cumurircanguimi. Shina llaquirishpaca, cambac churanatapish lliquishpami, ñuca ñaupapi huacarcangui. Chashna llaquirishcataca ñucapish uyarcanimi.

SALMOS 34:15

Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

1 PEDRO 3:12

Mandac Diosca cashcata ruhuaccunataca cuidanmi, shinallatac mañashcata uyangapacpish shuyaracunmi. Ashtahuanpish mana allita ruhuaccunataca piñanmi» ninmi.

ISAÍAS 65:24

Manarac cayacpimi, ñucaca uyasha. Paicuna rimaricucllapitacmi ñucaca uyasha.

SALMOS 37:4

Mandac Dios-huan cushicuilla. Paica cambac shungu munashcata cungallami.

1 CRÓNICAS 29:18

Ñucanchic ñaupa taita Abrahampac, Isaacpac, Israelpac Mandac Dioslla, cai alli yuyaicunataca can acllashcacunapac shungupi tucui munaihuan canta servichun huiñaita charingui. Canta yuyarishpa causachun paicunapac shungupi yuyachingui.

SALMOS 9:12

Diosca llaquilla caccunatami yuyarirca, paicuna huacashcataca mana cungarinchu Huañuchiccunata llaquichinmi.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.

SANTIAGO 4:10

Apunchic Jesuspac ñaupapica, ama jatun tucuichicchu. Chashna mana cacpica, paica “jatunmi canguichic” ningami.

PROVERBIOS 16:1

Imatac ruhuanataca gentecunami yuyarin. Shina cacpipish, Mandac Diosmi chai yuyarishcata ricun.

SALMOS 102:17

Imatapish mana ruhuai pudic gentecuna mañashcataca uyangami. Paicuna yallita mañacushcataca mana yangapi saquishpa chasquingami.

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

SANTIAGO 4:6

Ashtahuanpish Dios mai cuyac cashcamantami ñucanchictaca ayudacun. Dios quillcachishcapica: «Jatun tucushcacunataca piñanimi. Mana jatun tucushcacunataca cuyanimi» ninmi.

EFESIOS 3:12

Chashna cacpimi: “Cristota crishpa paihuan shuclla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Diospacman cuchuyanata pudinchic.

ROMANOS 8:26

Ñucanchic irquiyashca cacpipish, Diospac Espiritumi ayudan. Ima shina Diosta mañanatapish mana yachanchicchu. Shina cacpipish, Diospac Espiritullatacmi llaquirishpa, ñucanchic mana rimaipac rimaicunahuan ñucanchicmanta mañacun.

SAN MATEO 5:3

«Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 10:24

Diosta mana manchac runa imatami manchan, chai manchaillatacmi paita japinga. Ashtahuanpish cashcata ruhuaccunaca imata pai munashcatami japinga.

SALMOS 9:18

Mandac Diosca huacchacunataca mana huiñaita cungaringachu. Paicuna shuyanapish mana huiñaita chingaringachu.

2 CRÓNICAS 29:36

Mandac Dios tucui chaicuna pai acllashcacunaman utca ruhuashcamantami Ezequiaspish, tucui gentecunapish yallita cushicurca.