SALMOS 10:14 - Dios Rimashcata Quillcashcami

¹⁴ Pai yallita llaquichicuctaca canllatacmi ricucungui. Paicuna imata ruhuashca shinallatacmi llaquichingui. Imata mana ruhuai pudiccunaca cambac maquimanmi cuchuyan. Canca taita mama illaccunata ayudacmi cangui.

SALMOS 10:14 Referans Kwoze

SALMOS 68:5

Paipaclla huasipi tiyacuc Diosca taita mama illac huahuacunapac Taitami. Viudacunapac juezmi can.

SALMOS 146:9

Mandac Diosca, pozashpalla causaccunata cuidacmi. Taita mama illac huahuacunamanpish, viudacunamanpish caracmi. Shina cashpapish paita mana manchaccunamanta causaita quichunmi.

OSEAS 14:3

Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

JEREMÍAS 49:11

Taita mama illac huahuacunataca saquichiclla, ñucami huiñachisha. Viuda huarmicunapish ñucapi shunguta churachunlla» ninmi.

SALMOS 55:22

Cambac llaquitaca Diosman mingai. Paica ayudangami. Cashcata ruhuactaca jaicapi mana urmachun saquingachu.

DEUTERONOMIO 10:18

Paica taita mama illaccunamanpish, viudacunamanpish cashcata ruhuacmi. Shuctac llactamanta shamushpa causaccunamanpish caracmi, churachicmi.

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa catina can.

2 TIMOTEO 1:12

Chashna huillac cashcamantami tucui cai llaquicunataca apacuni. Ashtahuanpish ñuca pita crishcatapish, ñucaman mingashcatapish, shamuc punzhacaman huacaichina cashcatapish allimi yachani. Chaimantaca manatac pinganichu.

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?

JEREMÍAS 51:56

Tucuchiccunaca Babilonia llactaman shamushpami tucui tucuchishpa, sinchi soldadocunatapish prezu apanga. Paicunapac arcopish polvoringami. Mandac Diosca paicuna imata ruhuashca shinallatacmi llaquichinga.

JEREMÍAS 16:17

Ñucaca paicuna imata ruhuashcacunataca tucuitami ricucuni. Paicuna ruhuashcaca imapish ñuca ñahuimantaca mana pacallachu.

PROVERBIOS 15:3

Mandac Diospac ñahuica tucui cai pachapimi allicunatapish, mana allicunatapish ricucun.

SALMOS 35:22

Mandac Dioslla, canllatacmi ricucungui. Ama upalla saquirichu. Jatun Dioslla, ama ñucamanta caruyaichu.

SALMOS 22:11

Jatun llaqui japigrinmi, pi ayudacca mana tiyanchu. Ñuca ladomantaca ama caruyaichu.

2 CRÓNICAS 6:23

jahua pachapi uyashpa, canta serviccunataca imata ruhuana cashcata ruhuanguiyari. Canta mana manchactaca pai mana allita ruhuashca shinallatac, paimanca llaquita japina cashcata cungui. Cashcata ruhuactaca imatapish cashcata ruhuashcamantami, chashna allicunata japina cashcata cungui.

2 REYES 9:26

“Mandac Dios ñucami Nabotpac yahuartapish, paipac churicunapac yahuartapish caina ricurcani. Chaimanta chai pushtullapitacmi paitapish chashnallatac ruhuasha” nirca. Cunanca Mandac Dios huillashca shinallatac Joramta japishpa, Nabotpac pambapi shitagri» nirca.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

JOEL 3:4

Tiro llactapi, Sidón llactapi, tucui Filistea llactapi causaccunalla, ñucataca ¿imatatac ruhuasha ninguichic? ¿Cancunata llaquichishca shinallatacchu llaquichisha ninguichic? Chashna ruhuacpica, cancuna japina cashcataca ñallami cugrini.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

GÉNESIS 21:17

Huahua huacashca Diosman uyaricpimi, Diospac ángel jahua pachamanta Agarta cayashpaca: «Agar, ¿imatac tucungui? Ama manchaichu, cambac huahua chaipi huacacuctaca Diosca uyarcami.

GÉNESIS 31:12

Chaipimi angelca: “Labán canta tucui mana allita ruhuashcatami ricushcani. Chaimanta can huichailla ricui, tucui muru, shuyu cari ovejacunami huarmi ovejacunapi chayaricun.

ÉXODO 2:25

Diosca paicuna ima shina causacushcata ricurcami. Chaimantami paicunata ayudasha nirca.

ÉXODO 22:22

Viuda huarmitapish, taita mama illac huahuacunatapish ama llaquichinguichu.

ÉXODO 22:26

Cullquita mañac runa churanata saquicpica, manarac inti tigracpi cutichingui.

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

2 CRÓNICAS 24:22

Jatun mandac Joasca Zacariaspac taita Joiada cura paiman allita ruhuashcata mana yuyarishpami, paipac churitaca huañuchirca. Zacarías ña huañugricushpaca: «Chashna ruhuashcamantaca Mandac Diosllatac ricushpa llaquichichun» nirca.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

SALMOS 68:6

Diosmi shitashca huahuacunataca, familiahuan causachun churan. Prezu causaccunatapish cacharichinmi. Paita cariyaccunataca chaquishca allpapimi causachun churan.

PROVERBIOS 15:25

Mandac Diosca jatun tucushcacunapac huasitaca urmachingami. Ashtahuanpish viuda huarmi charishca allpataca paillatacmi sinchita cuidanga.

LAMENTACIONES 3:59

Mandac Dioslla, ñuca llaquitaca ricushcanguimi. Cashcata ruhuashpa ayudaiyari.

LAMENTACIONES 3:60

Ñucata llaquichisha niccuna piñarishpa imata yuyaricuctapish tucuitami ricurcangui.

OSEAS 14:4

Mandac Diosca: «Paicuna mana cazushpa, mana allita ruhuashcataca allichishpami yallitami cuyasha. Ñucaca ña mana ashtahuan paicunahuan piñarishachu.