SALMOS 10:1 - Dios Rimashcata Quillcashcami

¹ Mandac Dioslla, ¿ima nishpatac ñuca llaqui punzhapi cacpica, miticushpa carupi canguiyari?

SALMOS 10:1 Referans Kwoze

SALMOS 22:1

¡Ñuca Dioslla, ñuca Dioslla! ¿Ima nishpatac ñucallata saquinguiyari? ¿Ima nishpatac ñucamantaca caruyanguiyari? Quishpichiyari nishpa, ñuca caparishcataca, ¿ima nishpatac mana uyanguiyari?

SALMOS 27:9

Cambac ñahuita ama pacaichu. Canta servic ñucahuanca ama piñarichu. Cambac ñahuitaca ñucamanta amatac anchuchichu. Ama ñucata shitashpa saquichu. Canllami ñucata quishpichic Dios cangui.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

SALMOS 88:14

Mandac Dioslla, ¿imamantatac piñanguiyari? ¿Imamantatac cambac ñahuita ñucamanta pacanguiyari?

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

SALMOS 44:24

¿Ima nishpatac cambac ñahuita pacanguiyari? ¿Ima nishpatac huatashca shina llaquita causacucta ricushpapish ñucanchictaca cungaringuiyari?

SALMOS 30:7

Mandac Dioslla, canca cuyashpallami pipish mana cuyuchipac jatun urcuta shina ruhuarcangui. Cambac ñahuita pacacpica musparircanimi.

JOB 13:24

¿Ima nishpatac cambac ñahuita pacashpa canta piñac runata shina ricunguiyari?

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

JOB 23:9

Pai imata ruhuac cashcata jahuaman ricuchicpipish mana ricushachu. Ura ladoman ricpipish, mana yachashachu.

SALMOS 44:25

Ñucanchic almaca pingaichishpa pambacaman cumurichishcami. Ñucanchic cuerpotaca allpatami aisashcangui.

JEREMÍAS 14:9

¿Ima nishpatac mancharishpa imatapish mana ruhuai pudic runa shina tucungui? ¿Ima nishpatac shuc sinchi runa mana quishpichi pudic shina tucungui? Shina cashpapish, Mandac Dioslla, canca ñucanchic-huanmi cangui. Ñucanchicca cambac shutipi cayashcami canchic. ¡Ñucanchictaca ama saquichu!