RUT 1:1 - Dios Rimashcata Quillcashcami

¹ Juezcuna mandacuc punzhacunapimi, Israel llactapica yallita yarcai tiyarca. Chaimantami Judá llactapi cac Belén pueblomanta shuc runaca paipac huarmindi, ishcai churicunandi Moab llactapi causangapac rirca.

RUT 1:1 Referans Kwoze

GÉNESIS 12:10

Chai llactapi yalli yarcai tiyashcamantami Abramca Egiptopi causangapac rirca.

GÉNESIS 26:1

Chai llactapica yalli yarcaimi tiyarca. Abraham causacui huatacunapi yarcai tiyashca shinami yalli yarcai tiyarca. Chaimantami Isaacca filisteocunata jatun mandac Abimelec causacuc Gerar puebloman rirca.

EZEQUIEL 14:13

«Huañunalla runa, cai llactapi causaccuna ñucata saquishpa, juchata ruhuacpica, ñucallatacmi ñuca maquita alzashpa llaquichisha. Micunata mana cushpami, yarcaihuan tucuchisha. Chashnami yalli yarcaihuan gentecunatapish, animalcunatapish tucuchisha.

JUECES 17:8

Chai mosomi Judá llacta Belén pueblomanta maipi causanata mashcangapac llucshirca. Chashna llucshishpami Efraín urcu llactacunata rishpa Micaiaspac huasiman chayarca.

LEVÍTICO 26:19

Jatun tucushca cancunataca yangallatami ruhuasha. Jahua pachatapish fierro shinata ruhuashpami mana tamyachisha. Cancunapac allpaca bronce shina tucushpami mana pucunga.

GÉNESIS 43:1

Canaanpica yalli yarcaimi catirca.

AMÓS 4:6

Ñucami tucui cancunapac llactacunamanta micunata anchuchircani. Chaimantami ima micunapish mana tiyarca. Shina cacpipish, mana ñucapacman cutirircanguichicchu.

SALMOS 105:16

Paicunapac llactamanca yalli yarcaitami cacharca. Tucui micuna granocunatami chingachirca.

DEUTERONOMIO 28:38

Cancunaca achca muyuta tarpushpapish langostacuna micucpimi, ashallata cosechanguichic.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

JEREMÍAS 14:1

Yalli usyai cacpi, Mandac Dios Jeremiasta rimashpaca:

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

1 REYES 18:2

Shina nicpimi, Eliasca Acabpac ñaupapi ricurigrirca. Samaria pueblopica jatun yarcaimi tiyarca.

JUECES 12:8

Jefté huañushca quipaca Belén pueblomanta Ibzanmi israelcunataca mandarca.

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

JUECES 17:7

Judá llacta Belén pueblopimi Judá aillupuramanta shuc levita moso pozashpalla causacurca.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

1 CRÓNICAS 2:51

Belenpac taita Salmami carca. Cutin shucca Bet-gaderpac taita Harefmi carca.

1 CRÓNICAS 2:54

Salmapac churicunaca: Belén pueblopi causaccuna, netofatitacuna, Atrot— bet-joab pueblopi causaccunapish, chaupi manahetitacuna, zoraitacunami carca.