PROVERBIOS 9:1 - Dios Rimashcata Quillcashcami

¹ Alli yachaimi huasita allichishpa sinchiyachirca. Canchis pilarcunatapish paillatacmi labrarca.

PROVERBIOS 9:1 Referans Kwoze

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

1 REYES 7:21

Chai ishcai pilarcunataca Diospac huasi corredorpimi shayachirca. Alli ladoman shayachishca pilartaca Jaquintami shutichirca. Lluqui ladoman shayachishca pilartaca Boaztami shutichirca.

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

1 REYES 7:6

Shinallatac pilarcunata shayachishpami, shuc corredorta ruhuarca. Chai corredorca ishcai chunga ishcai metro chaupi largomi carca. Anchomanca chunga quimsa metro chaupimi carca. Chai corredortaca punta shayachishca corredor chimbapurapimi shuc pilarcunahuan, shuc caspicunahuan chicanta ruhuarca.

PROVERBIOS 24:3

Allita yachaihuanmi huasita shayachina. Alli yuyarishpami mana cuyuchipacta callarina.

PROVERBIOS 1:20

Alli yachaica ñancunapimi caparishpa cayacun. Plazacunapimi paipac rimaicunaca uyarin.

PROVERBIOS 2:1

Ñuca huahualla, ñuca rimashcacunata chasquishpa, ñuca mandashcacunata shungupi huacaichishpa,

PROVERBIOS 3:1

Ñuca huahualla, ñuca yachachishcacunata amatac cungaringuichu. Ñuca mandashcacunataca cambac shungupi huacaichingui.

PROVERBIOS 8:1

¿Alli yachaica manachu cayacun? ¿Alli yuyaipish manachu sinchita caparicun?

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.