PROVERBIOS 8:8 - Dios Rimashcata Quillcashcami

⁸ Ñuca shimihuan tucui yachachishcaca chashnatacmi. Cai rimashcapica ima mana allipish, ima pandapish mana tiyanchu.

PROVERBIOS 8:8 Referans Kwoze

SAN JUAN 7:46

Shina nicpimi soldadocunaca: —Chai runa shinaca, jaicapi pi mana rimashcachu— nirca.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

SALMOS 12:6

Mandac Diospac shimicunaca hornopi canchis cutin rupachishpa tucui mapata anchuchishca chuya cullqui shina mapa illacmi.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

ISAÍAS 45:23

Ñucaca cashcata ruhuanatami rimani. Ñucaca: “Tucui mashnami ñuca ñaupapi cungurishpa, tucui rimaipi ari ninga” nishpami, ñuca shutipi ari nini.

DEUTERONOMIO 32:5

Cancunaca huaclliric, millaillata ruhuaccunami canguichic. Mana paipac huahua shinachu canguichic. Millaita ruhuac, mana cazucmi canguichic.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

PROVERBIOS 2:15

Paicunaca mana alli ñantami purincuna. Paicunaca pandatami causancuna.

PROVERBIOS 4:2

Ñucaca alli yachaitami cancunamanca cuni. Chaimanta ama cungarishpa saquichicchu.

PROVERBIOS 14:6

Mana cazushpa asic runaca alli yachaita mashcashpapish mana tarinchu. Ashtahuanpish allita yachac runamanca yachacunaca jahuallami.