PROVERBIOS 7:3 - Dios Rimashcata Quillcashcami

³ Chai yachachishcataca maqui dedopi huatashca shina, tablapi quillcashca shina shungupi charingui.

PROVERBIOS 7:3 Referans Kwoze

PROVERBIOS 3:3

Cashcata nina, shinallatac llaquic canaca, jaicapi ama anchurichun. Cungapi churarishca shina, shungupi quillcashca shina, chai yuyailla puringui.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

ISAÍAS 30:8

Cunanca, muscuipi shina ñuca ricuchishcataca paicunapac ñaupapi, shuc tablapi quillcagri. Chashna quillcacpimi, huiñai huiñaipac tiyanga.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

PROVERBIOS 6:21

Chaicunataca cambac shungupi huacaichishpa puringui. Cungapi huallcata churarishca shina puringui.

JEREMÍAS 17:1

Judá llactapi causaccunapac juchacunaca cincel fierrohuanmi quillcashca. Shinallatac diamante rumi puntahuanmi tablapi quillcashca shina, cancunapac shungupipish, cancunapac altar gachucunapipish quillcashca tiyacun.

PROVERBIOS 7:4

Alli yachaitaca: “Canca ñuca panimi cangui” niyari. Alli yuyaitaca: “Ñuca familiami cangui” niyari.

PROVERBIOS 4:21

Cai alli yachachishcamantaca ama caruyanguichu. Cambac shungupi huacaichingui.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.